தமிழ்நாடு முழுவதும் சீரான மற்றும் தடையற்ற மின்சார விநியோகத்தை உறுதி செய்யும் வகையில், கூடுதலாக 2,000 மெகாவாட் மின்சாரம் கொள்முதல் உள்ளிட்ட பல்வேறு உடனடி நடவடிக்கைகளை தமிழ்நாடு மின்சார வாரியம் மேற்கொண்டுள்ளது.
இதன் காரணமாக தற்போது மாநிலம் முழுவதும் மின்பற்றாக்குறை இல்லாமல் சீரான மற்றும் தடையற்ற மின்சார விநியோகம் வழங்கப்பட்டு வருவதாக தெரிவிக்கப்பட்டுள்ளது.
24 மணி நேரமும் கண்காணிப்பு
மாநிலத்தின் மின் தொகுப்பு மற்றும் மின்விநியோக நிலைமையை தொடர்ந்து கண்காணிப்பதற்காக, தமிழ்நாடு மின்சார வாரிய தலைமையகத்தில் உயர்மட்ட அலுவலர்கள் அடங்கிய குழு 24 மணி நேரமும் விழிப்புடன் செயல்பட்டு வருகிறது.
மின்விநியோகத்தில் ஏற்படும் மாற்றங்கள் மற்றும் தேவைகளை தொடர்ந்து கண்காணித்து, அதற்கேற்ப தேவையான நடவடிக்கைகள் மற்றும் உரிய உத்தரவுகள் உடனுக்குடன் வழங்கப்பட்டு வருகின்றன.
களப்பணியாளர்கள் தீவிர கண்காணிப்பு
மின்சார விநியோகத்தை சீராக பராமரிக்கும் வகையில் களப்பணியாளர்கள் மற்றும் அலுவலர்கள் அடங்கிய குழுக்கள் தொடர்ந்து ரோந்து பணியில் ஈடுபட்டு வருகின்றனர்.
மின்விநியோகத்தில் ஏதேனும் பாதிப்பு ஏற்பட்டால் அதனை உடனடியாக கண்டறிந்து சரிசெய்யும் வகையில் பணிகள் தீவிரப்படுத்தப்பட்டுள்ளதாக தெரிவிக்கப்பட்டுள்ளது.
மின்பற்றாக்குறை இல்லை
கூடுதல் மின்சாரம் கொள்முதல் உள்ளிட்ட நடவடிக்கைகளின் மூலம் மாநிலத்தின் மின் தேவையை சமாளிக்கும் வகையில் மின்வாரியம் நடவடிக்கை எடுத்துள்ளது.
இதன் காரணமாக தற்போது தமிழகம் முழுவதும் மின்பற்றாக்குறை ஏதுமின்றி சீரான மற்றும் தடையற்ற மின்சாரம் வழங்கப்பட்டு வருவதாக மின்வாரியம் தெரிவித்துள்ளது.
மின்புகார்களுக்கு ‘மின்னகம்’
மின்சாரத் துறை தொடர்பான புகார்கள் மற்றும் மின்விநியோகம் தொடர்பான பிரச்சினைகளுக்கு பொதுமக்கள் 24 மணி நேரமும் செயல்படும் ‘மின்னகம்’ நுகர்வோர் சேவை மையத்தை தொடர்புகொள்ளலாம்.
மின்னகம் தொடர்பு எண்: 94987 94987
மின்விநியோகம் தொடர்பான புகார்கள் இருந்தால் பொதுமக்கள் இந்த எண்ணில் தொடர்புகொண்டு தங்களது புகார்களை பதிவு செய்யுமாறு கேட்டுக்கொள்ளப்பட்டுள்ளனர்.