சட்டமன்ற உறுப்பினர்களுக்கு அரசு சார்பாக சொகுசு கார்கள் வழங்கும் திட்டம் தொடர்பான விவாதத்தின் போது, எதிர்க்கட்சித் தலைவர் உதயநிதி ஸ்டாலின் மற்றும் பொதுப்பணித்துறை அமைச்சர் ஆதவ் அர்ஜுனா ஆகியோருக்கு இடையே சட்டப்பேரவையில் காரசாரமான காரசார விவாதம் நடைபெற்றது.
விவாதத்தின் பின்னணி:
மாநிலத்தின் நிதி நெருக்கடியைக் சுட்டிக்காட்டி, திமுகவின் 59 எம்.எல்.ஏ.க்களும் அரசு வழங்கும் காரைப் பெறப்போவதில்லை. தேர்தல் பிரமாணப் பத்திரத்தில் தெரிவிக்கப்பட்டுள்ள சொத்து மதிப்பின் அடிப்படையில், உண்மையிலேயே நலிவடைந்த உறுப்பினர்களுக்கு மட்டுமே கார் வழங்க வேண்டும் என எதிர்க்கட்சித் தலைவர் உதயநிதி ஸ்டாலின் கோரிக்கை வைத்தார்.
அமைச்சர் ஆதவ் அர்ஜுனா அளித்த அதிரடி பதிலடி:
சமத்துவ நோக்கம்: முதலமைச்சரின் நோக்கம் அவையில் உள்ள அனைவரும் சமம் என்பதுதான். ஏழை உறுப்பினர்கள் பேருந்தில் வந்து செல்வதைக் கருத்தில் கொண்டே இந்தத் திட்டம் கொண்டுவரப்பட்டது.
வசதி உள்ளவர்கள் அல்லது விருப்பமில்லாதவர்கள் இதைப் பெறப் போவதில்லை; தேவைப்படுபவர்களே கேட்கப்போகிறார்கள்.
அரசு பங்களா குறித்த கேள்வி:
எதிர்க்கட்சித் தலைவர் உதயநிதி ஸ்டாலினுக்கு ஏற்கெனவே சொந்தமாக 2, 3 வீடுகள் உள்ளன. ஆனால், அவரும் அரசு பங்களாவில்தான் தங்கியிருக்கிறார். எனக்கு அரசு பங்களா வேண்டும் என்று என்னிடம்தானே கடிதம் கேட்டார்? சொந்தமாக வீடு உள்ள நீங்கள் ஏன் அரசு பங்களாவில் இருக்கிறீர்கள் என நாங்கள் கேட்க முடியுமா?
கார் ஆடம்பரமல்ல, தேவை
நெறிமுறைகளின்படி (Protocol) அமைச்சர்களுக்கு வீடு, கார் மற்றும் உதவியாளர்கள் வழங்கப்படுவது போல, மக்கள் பிரதிநிதிகளான எம்.எல்.ஏ.க்களுக்கு கார் என்பது ஆடம்பரம் அல்ல; அது மக்களைச் சென்று சந்திப்பதற்கான அடிப்படைத் தேவை என்று அமைச்சர் ஆதவ் அர்ஜுனா விளக்கமளித்தார்.
கார் வழங்கும் விவகாரத்தில் சட்டமன்ற உறுப்பினர்களின் தகுதி மற்றும் தேவைகள் குறித்து இரு தலைவர்களும் மாறி மாறிப் பேசிய இந்த விவாதம், அவையில் பெரும் பரபரப்பை ஏற்படுத்தியது.