ப்ளடி பெக்கர் படத்தின் டீசர் வெளியாகி உள்ளது.
கவின் நடிப்பில் கடைசியாக ஸ்டார் எனும் திரைப்படம் வெளியாகி கலவையான விமர்சனங்களை பெற்றது. அதைத்தொடர்ந்து கவின், மாஸ்க் போன்ற பல படங்களை கைவசம் வைத்துள்ளார். மேலும் இவரது நடிப்பில் ப்ளடி பெக்கர் எனும் திரைப்படம் வெளியாகி உள்ளது. இந்த படத்தினை இயக்குனர் நெல்சன் தனது பிலாமெண்ட் பிக்சர்ஸ் நிறுவனத்தின் சார்பில் தயாரித்துள்ளார். இந்த படத்தை அறிமுக இயக்குனர் சிவபாலன் இயக்கியிருக்கும் நிலையில் ஜென் மார்ட்டின் இசையமைத்துள்ளார். சுஜித் சாரங் இதன் ஒளிப்பதிவு பணிகளை கவனித்திருக்கிறார். இந்த படத்தில் கவினுடன் இணைந்து ரெடின் கிங்ஸ்லி முக்கிய கதாபாத்திரத்தில் நடித்திருக்கிறார். கவின் இந்த படத்தில் வித்தியாசமான தோற்றத்தில் நடித்திருக்கிறார். இந்த படத்தின் படப்பிடிப்புகள் ஏற்கனவே நிறைவடைந்த நிலையில் படமானது வருகின்ற அக்டோபர் 31 தீபாவளி தினத்தன்று திரைக்கு வர இருக்கிறது. அதற்கான முழு ஏற்பாடுகளும் நடைபெற்று வருகிறது.
இந்நிலையில் இந்த படத்தின் டீசரை பட குழு வெளியிட்டுள்ளது. இந்த டீசரை பார்க்கும்போது இந்த படமானது காமெடி கலந்த கதைக்களத்தில் உருவாகி இருப்பது போல் தெரிகிறது. மேலும் இந்த டீசரின் இறுதியில் ட்ரைலர் விரைவில் வெளியாகும் என தெரிவிக்கப்பட்டுள்ளது. அத்துடன் இந்த டீசரும் இணையத்தில் வைரலாகி வருகிறது.