ஜி.வி. பிரகாஷ் நடிக்கும் பிளாக்மெயில் படத்தின் ரிலீஸ் தேதி அறிவிக்கப்பட்டுள்ளது.
தமிழ் சினிமாவில் முன்னணி இசையமைப்பாளர்களில் ஒருவராக வலம் வருபவர் ஜி.வி. பிரகாஷ். இவர் பல பெரிய ஹீரோக்களின் படங்களுக்கு இசையமைத்து ரசிகர்கள் மனதில் நீங்கா இடம் பிடித்துள்ளார். அதே சமயம் நடிப்பதிலும் ஆர்வமுடைய இவர், தொடர்ந்து அடுத்தடுத்த படங்களில் ஹீரோவாக நடித்து வருகிறார். அந்த வகையில் ஏற்கனவே இவரது நடிப்பில் உருவாகியுள்ள ‘இடி முழக்கம்’ போன்ற படங்கள் ரிலீஸுக்கு தயாராகி வருகின்றன. இது தவிர ‘மெண்டல் மனதில்’ போன்ற படங்களை கைவசம் வைத்துள்ளார் ஜி.வி. பிரகாஷ். இதற்கிடையில் இவர், பிளாக்மெயில் எனும் திரைப்படத்தில் நடித்துள்ளார். இந்த படத்தை ஜே.டி.எஸ் ஃபிலிம் ஃபேக்டரி நிறுவனம் தயாரிக்க மு. மாறன் இந்த படத்தை இயக்கியிருக்கிறார். சாம். சி.எஸ் இந்த படத்தை இசையமைத்துள்ளார். ஜி.வி. பிரகாஷ் உடன் இணைந்து தேஜு அஸ்வினி, ஸ்ரீகாந்த், பிந்து மாதவி, ரமேஷ் திலக், ரெடின் கிங்ஸ்லி மற்றும் பலர் நடித்துள்ளனர். ஏற்கனவே இந்த படத்தின் படப்பிடிப்புகள் நிறைவடைந்த நிலையில் கடந்த சில மாதங்களுக்கு முன்னர் இதன் பர்ஸ்ட் லுக் போஸ்டர் வெளியிடப்பட்டது. போஸ்டரை பார்க்கும்போது இந்த படமானது கிரைம் திரில்லர் படம் போல் தெரிகிறது. 
அதே சமயம் இந்த படம் 2025 மே மாதத்தில் திரைக்கு வரும் என அறிவிக்கப்பட்டது. ஆனால் ஒரு சில தவிர்க்க முடியாத காரணங்களால் தள்ளிப்போன இந்த படத்தின் புதிய ரிலீஸ் தேதியை படக்குழு அறிவித்துள்ளது. அதன்படி வருகின்ற செப்டம்பர் 12ஆம் தேதி இப்படம் உலகம் முழுவதும் வெளியாகும் என படக்குழு புதிய போஸ்டர் ஒன்றை வெளியிட்டு அறிவித்துள்ளது.