தேயிலை மர எண்ணெயின் மருத்துவ குணங்கள் பற்றி பார்க்கலாம்.
தேயிலை மர எண்ணெயில் பாக்டீரியா, வைரஸ் மற்றும் பூஞ்சைகளுக்கு எதிரான பண்புகள் இருக்கிறது. இது தோல் பராமரிப்பிற்கு பெரிதும் உதவுகிறது. அந்த வகையில் முகப்பருக்களை குறைப்பதில் முக்கிய பங்கு வகிக்கிறது.
தேயிலை மர எண்ணெய் என்பது முகப்பரு உருவாக காரணமாக இருக்கும் பாக்டீரியாவை நேரடியாக கொல்லும். அரிப்பு, முகப்பருக்களினால் ஏற்படும் வலி ஆகியவற்றை குறைக்கும். மேலும் தோலில் உள்ள துவாரங்கள் அழுக்குகளால் மூடப்படுவதை தடுக்கிறது. இது தவிர எண்ணெய் வடியும் சருமத்திற்கு தேயிலை மர எண்ணெயானது மிகப்பெரிய பிளஸ் என்று சொல்லலாம்.
தேயிலை மர எண்ணெயை பயன்படுத்தும் முறைகள்
1. ஒரு ஸ்பூன் அளவு தேங்காய் எண்ணெய் எடுத்துக்கொள்ள வேண்டும். இதில் ஒரு துளி அளவு தேயிலை மர எண்ணெய் சேர்த்து மிக்ஸ் செய்து பருக்கள் இருக்கும் பகுதிகளில் தடவி சில நிமிடங்கள் கழித்து கழுவினால் நல்ல பலன் கிடைக்கும்.
2. மூன்று முதல் நான்கு துளிகள் தேயிலை மர எண்ணெய் மற்றும் ரோஸ் வாட்டர் ஆகியவற்றை கலந்து காட்டன் பஞ்சினால் தொட்டு பருக்கள் உள்ள பகுதிகளில் அப்ளை செய்யலாம்.
3. ஒரு ஸ்பூன் அளவு கற்றாழை ஜெல், ஒரு துளி தேயிலை மர எண்ணெய் ஆகியவற்ற கலந்து முகத்தில் தேய்த்து பத்து நிமிடங்கள் கழித்து கழுவ வேண்டும். இதை தினமும் பயன்படுத்தலாம்.
4. அடுத்தது தினமும் பயன்படுத்தும் ஃபேஸ் வாஷில் ஒரு துளி அளவு தேயிலை மர எண்ணெய் கலந்தும் பயன்படுத்தலாம்.
குறிப்பு:
1. தேயிலை மர எண்ணெயை மட்டும் நேரடியாக முகத்தில் பயன்படுத்தக்கூடாது. இது எரிச்சல் தரலாம்.
2. உலர்ந்த சருமத்திற்கு இதை பயன்படுத்தக்கூடாது.
3. காலையில் இந்த எண்ணெயை பயன்படுத்தினால் சன் ஸ்கிரீன் அவசியம்.
4. இரவு நேரத்தில் இதை பயன்படுத்தினால் நல்ல பலன் கிடைக்கும்.
5. ஆண் – பெண் இருபாலரும் தேயிலை மர எண்ணெயை பயன்படுத்தலாம்.
இருப்பினும் இது தொடர்பாக வேறு ஏதேனும் சந்தேகம் இருந்தால் மருத்துவரை அணுகி ஆலோசனை பெற்றுக் கொள்வது நல்லது.