எலுமிச்சை இலையின் ஆரோக்கிய நன்மைகள் பற்றி பார்க்கலாம்.
எலுமிச்சை இலையில் வைட்டமின் சி, சிட்ரல், லிமோனன், டானின்கள், ஃப்ளவனாய்டுகள், சினியோல் போன்ற சத்துக்கள் இருக்கிறது. கொழுப்புச்சத்து, கார்போஹைட்ரேட், ஆன்ட்டி ஆக்சிடென்ட்கள் ஆகியவையும் அடங்கியுள்ளது. எனவே எலுமிச்சை இலைகள் உடலுக்கு பல ஆரோக்கிய நன்மைகளை தருகிறது. அந்த வகையில் எலுமிச்சை இலைகள் செரிமானத்தை மேம்படுத்த உதவும். இதில் ஊட்டச்சத்துக்கள் நிறைந்திருப்பதால் நோய் எதிர்ப்பு சக்தியை அதிகரிக்க இது உதவுகிறது. சருமம் மற்றும் கூந்தலின் ஆரோக்கியத்திற்கும் இது பாதுகாப்பு தருகிறது. இதில் உள்ள ஆன்ட்டி ஆக்சிடென்ட்கள் வயதான தன்மையை குறைத்து முகத்தை பளபளப்பாக வைத்திருக்கும்.
இது தவிர மனநிலையை மேம்படுத்தி மன அழுத்தத்தை குறைக்கவும், உடல் எடையை குறைக்கவும், உடலை நீரேற்றமாக வைத்திருக்கவும் உதவுகிறது.
1. எலுமிச்சை இலைகளை கழுவி ஒரு டம்ளர் அளவு தண்ணீரில் போட்டு ஐந்து நிமிடங்கள் கொதிக்கவிட வேண்டும். பின் வெதுவெதுப்பான சூட்டில் இதைக் குடித்து வர நல்ல பலன் கிடைக்கும்.
2. நான்கு முதல் ஐந்து எலுமிச்சை இலைகளை வெந்நீரில் போட்டு ஆவி பிடிக்கலாம். இதனால் சளி குறையும். அத்துடன் முகப்பரு உள்ளவர்களுக்கும் நல்ல ரிசல்ட் கிடைக்கும்.
3. மேலும் எலுமிச்சை இலைகளை காய வைத்து பொடியாக்கி வெந்நீரில் கலந்து தலைவலி, தொண்டை வலி, செரிமான கோளாறு போன்றவைகளுக்கு பயன்படுத்தலாம்.
இருப்பினும் இது தொடர்பாக ஏதேனும் சந்தேகம் இருந்தால் மருத்துவரை அணுகி ஆலோசனை பெற்றுக் கொள்வது நல்லது.