தமிழக சட்டப்பேரவை கூட்டத்தொடர் நடைபெற்று வரும் நிலையில், விவாதங்களின் போது எதிர்க்கட்சிகளின் கருத்துகளுக்கு போதிய முக்கியத்துவம் அளிக்கப்பட வேண்டும் என அதிமுக பொதுச்செயலாளரும், எதிர்க்கட்சித் தலைவருமான எடப்பாடி பழனிசாமி வலியுறுத்தியுள்ளார்.
சட்டப்பேரவையில் இன்று நடைபெற்ற விவாதத்தின் போது பேசிய அவர், ஜனநாயகத்தின் மாண்பைக் காப்பதில் எதிர்க்கட்சிகளின் பங்கு மிக முக்கியமானது என்று குறிப்பிட்டார்.
எடப்பாடி பழனிசாமி பேசியதாவது,
“மக்களின் குறைகளை அவையில் எடுத்துரைப்பது எதிர்க்கட்சிகளின் கடமை. அந்த குரல்களுக்கு அரசு செவிசாய்க்க வேண்டும்.”
“எந்தளவுக்கு எதிர்க்கட்சிகள் பேச வாய்ப்பளிக்கிறீர்களோ, அந்தளவுக்கு இந்த ஆட்சி சிறப்பாக நடக்கும். குறைகளைச் சுட்டிக்காட்டும்போதுதான் அரசு தன்னைத் திருத்திக் கொள்ளவும், மெருகேற்றிக் கொள்ளவும் முடியும்.”
எதிர்க்கட்சி உறுப்பினர்கள் எழுப்பும் கேள்விகளுக்கும், முன்வைக்கும் கோரிக்கைகளுக்கும் போதிய கால அவகாசம் வழங்கப்பட வேண்டும் என அவர் சபாநாயகரிடம் கோரிக்கை வைத்தார்.
தமிழக சட்டப்பேரவையில் மக்கள் நலத்திட்டங்கள் மற்றும் பல்வேறு துறைகள் மீதான மானியக் கோரிக்கை விவாதங்கள் நடைபெற்று வருகின்றன. இதில் எதிர்க்கட்சிகள் தரப்பில் முன்வைக்கப்படும் விமர்சனங்களுக்கு அமைச்சர்கள் பதில் அளித்து வருகின்றனர். இந்தச் சூழலில், விவாதங்களில் தங்களுக்கு போதிய வாய்ப்பு மறுக்கப்படுவதாக அதிமுக தரப்பில் முன்வைக்கப்பட்ட புகாரைத் தொடர்ந்து எடப்பாடி பழனிசாமி இவ்வாறு பேசியுள்ளார்.
அரசின் செயல்பாடுகளைக் கண்காணிப்பதிலும், தவறுகளைச் சுட்டிக்காட்டுவதிலும் எதிர்க்கட்சிகளுக்கு முழு சுதந்திரமும், நேரமும் வழங்கப்பட்டால் மட்டுமே ஒரு மாநிலத்தின் நிர்வாகம் செம்மையாக இருக்கும் என்பதை அவர் தனது பேச்சின் மூலம் அழுத்தமாகப் பதிவு செய்துள்ளார்.
அதிமுக சட்டப்பேரவை குழு தலைவர் யார்? – 17 பேர் மட்டுமே எடப்பாடி பழனிசாமிக்கு ஆதரவு…