தமிழகத்தில் நடந்து முடிந்த சட்டமன்றத் தேர்தலில், வெளிநாட்டு குடியுரிமை பெற்ற சுமார் 25 நபர்கள் போலியான ஆவணங்களைப் பயன்படுத்தி கள்ள ஓட்டுப் பதிவு செய்துள்ளதாகக் கண்டறியப்பட்டு கைது செய்யப்பட்டுள்ளனர்.
தமிழக சட்டமன்றத் தேர்தலில் வெளிநாட்டு குடியுரிமை பெற்ற சிலர் சட்டவிரோதமாக வாக்களித்ததாக கூறப்படும் விவகாரம் தற்போது அரசியல் வட்டாரங்களில் பரபரப்பை ஏற்படுத்தியுள்ளது. இது தொடர்பாக பல்வேறு இடங்களில் விசாரணை நடைபெற்று வரும் நிலையில், கைது செய்யப்பட்டவர்களின் எண்ணிக்கையும் அதிகரித்து வருவதாக தகவல்கள் வெளியாகியுள்ளன.
இந்த தேர்தலில் நடிகர் விஜய் தலைமையிலான தவெக கூட்டணி பெரும்பான்மை பெற்று ஆட்சியமைத்ததாக கூறப்படும் சூழலில், தற்போது வெளிநாட்டினர் வாக்களித்ததாக எழுந்துள்ள குற்றச்சாட்டு அரசியல் முக்கியத்துவம் பெற்றுள்ளது. குறிப்பாக, தேர்தல் முடிந்த பிறகு வெளிநாடு திரும்ப முயன்ற சிலரின் விரலில் இருந்த வாக்கு மை அடையாளத்தை வைத்து அதிகாரிகள் விசாரணை மேற்கொண்டதாக தெரிவிக்கப்படுகிறது.
சென்னை, மதுரை, திருச்சி உள்ளிட்ட சர்வதேச விமான நிலையங்களில் நடத்தப்பட்ட சோதனைகளில் இதுவரை பலர் கைது செய்யப்பட்டுள்ளதாக கூறப்படுகிறது. கைது செய்யப்பட்டவர்களில் பெரும்பாலானோர் இலங்கைத் தமிழர்கள் என்றும், அவர்கள் வெளிநாட்டு குடியுரிமை பெற்றிருந்தாலும் இந்தியாவில் உள்ள ஆதார் மற்றும் வாக்காளர் அடையாள அட்டைகளை பயன்படுத்தி வாக்களித்திருக்கலாம் என்ற சந்தேகம் எழுந்துள்ளது.
இந்த விவகாரத்தில் போலி ஆவணங்கள் பயன்படுத்தல், தகுதியற்ற நபர்கள் வாக்களித்தல், விசா விதிமுறைகள் மீறல் உள்ளிட்ட பிரிவுகளின் கீழ் வழக்குகள் பதிவு செய்யப்பட்டுள்ளதாக தகவல்கள் தெரிவிக்கின்றன. மேலும், தேர்தல் காலத்தில் தமிழகத்திற்கு வந்த வெளிநாட்டினரின் விவரங்களை சேகரித்து காவல்துறை மற்றும் உளவுத்துறை அதிகாரிகள் விசாரணை மேற்கொண்டு வருகின்றனர்.
இதேவேளை, குறைந்த வாக்கு வித்தியாசத்தில் வெற்றி பெற்ற தொகுதிகளில் சட்டவிரோத வாக்குகள் பதிவாகியிருப்பது உறுதி செய்யப்பட்டால், தேர்தல் முடிவுகள் நீதிமன்றத்தில் சவாலுக்கு உள்ளாகும் வாய்ப்பு இருப்பதாக அரசியல் வட்டாரங்களில் பேசப்படுகிறது. தேர்தல் வழக்குகள் தொடரப்பட்டால், சில தொகுதிகளில் மறுதேர்தல் நடத்தும் சூழலும் உருவாகலாம் என கூறப்படுகிறது.
“மேக் இன் இந்தியா” வெறும் விளம்பரம் – ஒன்றிய அரசை சாடிய மருத்துவர் ராமதாஸ்