மக்களவை எதிர்க்கட்சித் தலைவர் ராகுல் காந்தி சமீபத்தில் கலந்துகொண்ட நிகழ்ச்சி ஒன்றில், நாட்டின் வெளியுறவுக் கொள்கை மற்றும் பிரதமர் நரேந்திர மோடியைக் குறித்தும் வெளியிட்ட கருத்துகள் பெரும் சர்ச்சையை ஏற்படுத்தியுள்ளன. இதற்கு மத்திய அமைச்சர்கள் தங்களது கடுமையான கண்டனங்களைப் பதிவு செய்துள்ளனர்.
ராகுல் காந்தி எழுப்பிய விவகாரங்கள் என்ன? தேசிய நிகழ்வு ஒன்றில் பேசிய ராகுல் காந்தி, நாட்டின் வெளியுறவுக் கொள்கையானது வெளிநாட்டுத் தலைவர்களுடன் வெறும் அரவணைப்புகளிலும் நட்புறவை வெளிப்படுத்துவதில் மட்டுமே கவனம் செலுத்துவதாக விமர்சித்தார். பிரதமரின் பிரதானப் பணியானது வெளிநாட்டுத் தலைவர்களுடன் நட்பு பாராட்டுவது அல்ல, மாறாக நாட்டின் நலன்களைப் பாதுகாப்பதே ஆகும் என்று அவர் வாதிட்டார். மேலும், தனது வாதத்தை விளக்கும் விதமாக மேடையில் சக காங்கிரஸ் தலைவர் ஒருவரை அரவணைத்துக் காட்டியதும். அரசியல் வட்டாரங்களில் கடும் விவாதத்தையும் சலசலப்பையும் ஏற்படுத்தியது.
மத்திய அமைச்சர்களின் கண்டனக் குரல்கள்
பாதுகாப்புத் துறை அமைச்சர் ராஜ்நாத் சிங்: ராகுல் காந்தியின் இந்தப் பேச்சு மிகவும் தரம் தாழ்ந்ததும், கண்டிக்கத்தக்கதும் ஆகும் என்று கூறினார். தனது நீண்ட அரசியல் வாழ்க்கையில், பல்வேறு கட்சிகளைச் சேர்ந்த எதிர்க்கட்சித் தலைவர்களைப் பார்த்துள்ளதாகவும், இத்தகைய ஒரு அநாகரிகமான மற்றும் வரம்பு மீறிய நடத்தையை எதிர்க்கட்சித் தலைவரிடம் கண்டதில்லை என்றும் அவர் தெரிவித்தார். இது இந்தியாவின் சர்வதேச நற்பெயரைக் குந்தகப்படுத்தும் செயல் என்றும் அவர் சாடினார்
விவசாயத் துறை அமைச்சர் சிவராஜ் சிங் சௌகான்: ஜனநாயகத்தில் கருத்துரிமை வழங்கப்பட்டிருந்தாலும், வரம்புகளையும் கண்ணியத்தையும் மீறிச் செயல்படுவது மிகுந்த வேதனை அளிக்கிறது என்று குறிப்பிட்ட அவர், இது இந்திய கலாச்சாரத்திற்கு எதிரான நடைமுறை என்றார்.
எதிர்க்கட்சித் தலைவரின் இந்த நடவடிக்கைகள் நாட்டின் ஜனநாயக மாண்புகளுக்குச் சவாலாகவும், தேசிய நலனுக்கு விரோதமாகவும் அமைந்துள்ளதாக அமைச்சர்கள் தரப்பில் வன்மையாகக் கண்டனம் தெரிவிக்கப்பட்டுள்ளது.
பேசிக் கொண்டிருந்தபோதே மயங்கி விழுந்த ஆந்திர அமைச்சர் ஆனம் ராமநாராயண ரெட்டி!