மலையாளத் திரையுலகில் மாபெரும் வெற்றி பெற்ற ‘ப்ரேமலு’ மற்றும் ‘பெத்லகேம் குடும்ப யூனிட்’ போன்ற தரமான படங்களைத் தயாரித்த பிரபல நிறுவனமான ‘பாவனா ஸ்டுடியோஸ்’ (Bhavana Studios) தற்போது புதிய படம் ஒன்றைத் தயாரிக்கவுள்ளது. அறிமுக இயக்குநர் கிரண் ஜோஷி இயக்கத்தில், நடிகர் சந்தீப் பிரதாப் நாயகனாக நடிக்கும் இவவப் புதிய படத்திற்கு ‘பிக்னிக்’ (Picnic) எனப் பெயரிடப்பட்டுள்ளது. இப்படத்திற்குத் திறமைமிக்க இசையமைப்பாளர் கோவிந்த் வசந்தா இசையமைக்கவுள்ளார்.
‘பாவனா ஸ்டுடியோஸ்’ கூட்டணியில் மீண்டும் ஒரு ஹிட்டுக்கு ஏற்பாடு!
மலையாளம் மட்டுமின்றி தென்னிந்திய சினிமா முழுவதும் பெரும் தாக்கத்தை ஏற்படுத்திய ‘ப்ரேமலு’ திரைப்படத்தின் மூலம் தயாரிப்புத் துறையில் தங்களது தனி முத்திரையைப் பதித்த பாவனா ஸ்டுடியோஸ் நிறுவனம், தங்களது அடுத்த படைப்பாக ‘பிக்னிக்’ திரைப்படத்தை அதிகாரப்பூர்வமாக அறிவித்துள்ளது.
இப்படத்தின் மூலம் அறிமுக இயக்குநர் கிரண் ஜோஷி இயக்குநராகக் களமிறங்குகிறார். அவருடன் இணைந்து இளம் நடிகர் சந்தீப் பிரதாப் இப்படத்தில் முக்கியக் கதாபாத்திரத்தில் நடிக்கிறார். முழுக்க முழுக்கப் புதுமையான கதைக்களத்துடன் உருவாகும் இப்படம் குறித்த அறிவிப்பு வெளியானதிலிருந்து சினிமா வட்டாரத்திலும் ரசிகர்களிடையேயும் எதிர்பார்ப்பு பல மடங்கு அதிகரித்துள்ளது.
கோவிந்த் வசந்தாவின் மேஜிக்கல் இசை
திரைப்படங்களின் வெற்றிக்குப் பெரிதும் கைகொடுக்கும் இசைத் துறையில், தற்போது செம ஃபார்மில் இருக்கும் இசையமைப்பாளர் கோவிந்த் வசந்தா இப்படத்திற்கு இசையமைக்க ஒப்பந்தமாகியுள்ளார். இவரது எமோஷனல் மற்றும் மெலடி கலந்த இசைக் கோப்புகள் ‘பிக்னிக்’ படத்திற்கு மிகப்பெரிய பலமாக அமையும் என எதிர்பார்க்கப்படுகிறது.
தயாரிப்பாளர், இயக்குநர், நடிகர் மற்றும் இசையமைப்பாளர் எனப் பல திறமையான இளைஞர்கள் கூட்டணி அமைத்துள்ள இந்தப் படம், தற்கால இளைய தலைமுறையைக் கவரும் வகையில் உருவாகி வருவதால் திரையுலகில் இப்போதே எதிர்பார்ப்பைக் கிளப்பியுள்ளது.