திமுகவுக்கு சாதகம்… எடப்பாடிக்கு நாக் அவுட்! – மதுராந்தகம் இடைத்தேர்தல் களத்தில் விஜய் செய்யும் அரசியல் தந்திரங்களும், உடைந்து போகும் அதிமுகவும்!

தமிழக அரசியல் களத்தில் தற்போதைய இடைத்தேர்தல் களம் பெரும் புயலைக் கிளப்பியுள்ளது. மதுராந்தகம் மற்றும் தாராபுரம் சட்டமன்றத் தொகுதி இடைத்தேர்தல்களை மையமாக வைத்து ஆளுங்கட்சியான த.வெ.க., தி.மு.க. மற்றும் அ.தி.மு.க. இடையே அனல் பறக்கும் பிரச்சாரங்கள் நடந்து வருகின்றன இந்த அரசியல் சூழல் குறித்து மூத்த பத்திரிகையாளர் இதயா அளித்த சிறப்புப் பேட்டியில், த.வெ.க.வின் அதிரடி வியூகங்கள் மற்றும் எதிர்க்கட்சிகளின் பலவீனம் குறித்து விரிவாக அலசப்பட்டுள்ளது.

​விஜய்யின் ஒற்றைப் பார்வை: திமுகவை மட்டுமே குறிவைக்கும் வியூகம்!
​முதலமைச்சர் விஜய் மதுராந்தகம் தொகுதியில் மேற்கொண்ட தீவிரத் தேர்தல் பிரச்சாரத்தில், தன் முழு ஆற்றலையும் தி.மு.க.வை எதிர்ப்பதிலேயே செலுத்தி வருகிறார். அ.தி.மு.க.வை ஒரு பிரதான எதிரியாகக் கருதாமல், அவர்களை “மற்றும் பலர்” என்ற நிலைக்குக் கீழ் இறக்கி வைத்துவிட்டு, தி.மு.க. ஒரு தீய சக்தி என்ற வாதத்தைத் தீவிரமாக முன்னெடுத்துள்ளார்.

எம்.ஜி.ஆர் மற்றும் அண்ணாவின் பெயர்களைச் சொல்லி அ.தி.மு.க. வாக்குகளைத் தன் பக்கம் திசைதிருப்பும் இந்தத் தந்திரம், அ.தி.மு.க.வின் பாரம்பரிய வாக்கு வங்கியைச் பலவீனப்படுத்தும் நோக்கம் கொண்டது.

​அதிமுகவினரின் கோபமும், திமுகவுக்குத் திரும்பும் வாய்ப்பும்!
​தங்கள் கட்சியை அழித்துவிட்டுத் த.வெ.க. வளர முயல்கிறது என்ற ஆத்திரம் பாரம்பரிய அ.தி.மு.க. தொண்டர்கள் மற்றும் சில முன்னாள் அமைச்சர்களிடையே கொப்பளித்து வருகிறது . “த.வெ.க. வெற்றி பெறுவதை விட, தி.மு.க. வெற்றி பெற்றாலும் பரவாயில்லை” என்ற மனநிலைக்குச் சில அ.தி.மு.க. முன்னணி நிர்வாகிகளே வந்துவிட்டதாகத் தகவல்கள் தெரிவிக்கின்றன.

இந்தச் சூழல் த.வெ.க.வுக்குச் செல்ல வேண்டிய வாக்குகளைத் திசைதிருப்பி, மறைமுகமாகத் தி.மு.க.வுக்குப் பெரும் பிளஸ் பாயிண்டாக மாறக் கூடும்.

​ஜெம் வீரமணி வழக்கு மற்றும் அரசின் அக்னிப் பரிட்சை
​தற்போது மாநில அரசியலில் பூதாகரமாக வெடித்துள்ள ஜெம் வீரமணி தொடர்பான போக்சோ வழக்கு விவகாரத்தில், அரசு மேற்கொண்டுவரும் நடவடிக்கைகள் தீவிரப்படுத்தப்பட்டுள்ளன.

நீதித்துறையின் நேரடிக் கண்காணிப்பு மற்றும் பெண் ஐ.பி.எஸ். அதிகாரிகள் அடங்கிய சிறப்புப் புலனாய்வுக் குழுவின் விசாரணை மூலமாக இவ்வழக்கின் உண்மை முகங்கள் வெளிச்சத்திற்கு வந்துள்ளன.

எதிர்க்கட்சிகள் எழுப்பும் தொடர்ச்சியான கேள்விகளுக்கு ஆளுங்க தரப்பு சட்டப்பூர்வமாகவும் வெளிப்படையாகவும் பதிலளிக்க வேண்டிய கட்டாயத்தில் உள்ளது.
​இடைத்தேர்தல் களமும் எதிர்கால அரசியலும்
​த.வெ.க. அரசின் மீது மக்கள் வைத்துள்ள எதிர்பார்ப்புகளும், நான்கு மாத கால ஆட்சி மீதான விமர்சனங்களும் இடைத்தேர்தல் களத்தில் எதிரொலிக்கத் தொடங்கியுள்ளன.

இந்த இடைத்தேர்தல் முடிவுகள் தமிழக அரசியலின் அடுத்த கட்ட திசையைத் தீர்மானிக்கும் முக்கியத் திருப்புமுனையாக அமையும் என்பதில் ஐயமில்லை.

“கிராமங்களில் அடித்து விரட்டப்படும் தவெக வேட்பாளர்! – சினிமா மோகம் கலைகிறதா தாராபுரத்தில்? – விஜய்யை நடுங்க வைக்கும் கள யதார்த்தம்!”