சூர்யா, சிறுத்தை சிவா இயக்கும் கங்குவா திரைப்படத்தில் நடித்து வருகிறார். படத்தை ஸ்டுடியோ கிரீன் நிறுவனத்தின் கீழ் ஞானவேல் ராஜா தயாரிக்கிறார். தேவி ஸ்ரீ பிரசாத் இதற்கு இசையமைக்கிறார்.இந்த படத்தில் சூர்யாவுடன் இணைந்து திஷா பதானி முக்கிய கதாபாத்திரத்தில் நடிக்கிறார்.சமீபத்தில், படத்தில் கே ஜி எஃப் பட வில்லன் அவினாஷ் நடிக்கிறார் என்று செய்திகள் வெளியானது.
சுமார் 300 கோடி ரூபாய் பட்ஜெட்டில் உருவாகி வரும் இந்த படம் 3D தொழில்நுட்பத்தில் தயாராகி வருகிறது. மேலும் வரலாற்று சரித்திர படமாக உருவாகி வரும் இப்படம் 10 மொழிகளில் வெளியாக இருக்கிறது.
இப்படத்தின் படப்பிடிப்புகள் சென்னை மற்றும் கொடைக்கானலில் விறுவிறுப்பாக நடைபெற்று வருகின்றன.
கங்குவா படத்தின் மோஷன் போஸ்டர் வெளியாகி ரசிகர்களிடையே நல்ல வரவேற்பு பெற்றது. 
இதற்கிடையில் இந்த படம் அடுத்த ஆண்டு ஜனவரி மாதம் வெளியாகும் என்று கூறப்பட்டது.
ஆனால் தற்போது இன்னும் 60 நாட்களுக்கான படப்பிடிப்புகள் இருப்பதாக செய்திகள் வெளியாகியுள்ளது.
மேலும் இந்தப் படத்திற்கான கம்ப்யூட்டர் கிராபிக்ஸ் பணிகளை முடிக்க நீண்ட நாட்கள் தேவைப்படுவதாக கூறப்படுகிறது.
அதனால் சூர்யாவின் கங்குவா திரைப்படம் அடுத்த ஆண்டு ஏப்ரல் மாதத்தில் வெளியாகும் என்று தற்போதைய தகவல்கள் தெரிவிக்கின்றன.