கூலி படத்தின் முக்கிய அறிவிப்பு நாளை வெளியாக இருக்கிறது.
சூப்பர் ஸ்டார் ரஜினிகாந்தின் 171 வது படமாக உருவாகி வரும் திரைப்படம் தான் கூலி. இந்த படத்தை சன் பிக்சர்ஸ் நிறுவனம் தயாரிக்க லோகேஷ் கனகராஜ் படத்தை இயக்குகிறார். அனிருத் இந்த படத்திற்கு இசை அமைக்கிறார். கிரிஷ் கங்காதரன் இதன் ஒளிப்பதிவு பணிகளை கவனிக்கிறார். இந்த படத்தில் ரஜினியுடன் இணைந்து நாகார்ஜுனா, சத்யராஜ், ஸ்ருதிஹாசன், சௌபின் சாஹிர், உபேந்திரா மற்றும் பலர் முக்கிய கதாபாத்திரங்களில் நடிக்கின்றனர். கைதி, மாஸ்டர், விக்ரம், லியோ ஆகிய தொடர் வெற்றி படங்களை கொடுத்த லோகேஷ் கனகராஜ் தற்போது சூப்பர் ஸ்டாருடன் கூட்டணி அமைத்திருப்பதால் இப்படத்தின் மீதான எதிர்பார்ப்பு ஆரம்பத்திலிருந்தே அதிகமாக இருந்து வருகிறது. அதேசமயம் நடிகர் ரஜினி இந்த படத்தில் நெகட்டிவ் ஷேடட் ரோலில் நடிப்பதாகவும் சொல்லப்படுகிறது. மேலும் பாலிவுட் நடிகர் ஆமீர்கான் இப்படத்தில் கேமியோ ரோலில் நடிப்பதாகவும் தகவல் வெளியாகி வருகின்றன. 
இவ்வாறு அடுத்தடுத்து அப்டேட்டுகள் வெளியாகி படத்தின் மீதான எதிர்பார்ப்பை மேன்மேலும் அதிகமாக்கி வருகிறது. அந்த வகையில் நடிகை பூஜா ஹெக்டே இந்த படத்தில் ஸ்பெஷல் பாடல் ஒன்றுக்கு நடனமாடி இருப்பதாக சமீபத்தில் தகவல் வெளியானது. எனவே இது தொடர்பான அதிகாரப்பூர்வ அறிவிப்பை படக்குழு நாளை (பிப்ரவரி 27) காலை 11 மணியளவில் வெளியிட இருக்கிறது.