நாடு முழுவதும் நீட் வினாத்தாள் கசிவு மற்றும் முறைகேடுகளுக்கு எதிராக மாணவர்கள் பெரும் போராட்டத்தில் ஈடுபட்டு வரும் சூழலில், தமிழக முதலமைச்சரின் செயல்பாடுகள் மற்றும் அஞ்சும் போக்கைக் கண்டித்து மூத்த பத்திரிகையாளர் கோட்டீஸ்வரன் நேர்காணல் ஒன்றில் கடுமையாக விமர்சித்துள்ளார்.
டெல்லி முதல் தமிழ்நாடு வரை கொதிக்கும் மாணவர்கள்:
டெல்லியில் ஜந்தர் மந்தர் பகுதியில் தொடங்கி நாடு முழுவதும் பரவியுள்ள மாணவர்களின் போராட்டம் நாளுக்கு நாள் தீவிரமடைந்து வருகிறது. மத்திய அரசின் பல்வேறு அமைப்புகளின் அச்சுறுத்தல்களுக்கு அஞ்சாமல், போராட்டக் களத்தில் நிற்கும் மாணவிகள் கூடத் தைரியமாகச் செய்தியாளர்களைச் சந்தித்துப் பதிலளித்து வருகின்றனர்.
அஞ்சும் ஆட்சியாளர்கள் – சினிமா பாணி அரசியலுக்கு விமர்சனம்:
டெல்லியில் மாணவர்கள் மீது காவல்துறையினர் நடவடிக்கை எடுக்கும் நிலையிலும், தமிழ்நாட்டில் நீட்டுக்கு எதிராகப் போராடும் மாணவர்களைக் காவல்துறை கைது செய்து ஒடுக்கி வருகிறது. அதே நேரத்தில், முதலமைச்சர் தரப்போ காவல்துறை பந்தோபஸ்துடன் படம் பார்ப்பதிலேயே குறியாக இருக்கிறார்.
திரையில் நூறு பேரை அடிப்பது போலவும், நாடாளுமன்றத்தில் பெரும்பான்மை இருந்தால் தான் நடவடிக்கை எடுக்க முடியும் எனக் சாக்குப்போக்கு சொல்வது போலவும் அரசியல் செய்கிறார்கள். ஆனால் நிஜத்தில்:
மத்திய அரசையும் டெல்லியையும் கண்டால் பயம்
பாஜாக மற்றும் அமலாக்கத்துறையைக் கண்டால் பயம்
நீட்டுக்கு எதிராகக் குரல் கொடுக்கும் மாணவர்களைக் கண்டாலும் பயம்
என அனைத்துக் காரணங்களுக்கும் அஞ்சி ஓடும் போக்கே தென்படுகிறது என்று அவர் குற்றம் சாட்டியுள்ளார்.
நீட் தேர்வு ஏமாற்று வியாபாரம்:
வடமாநிலங்களில் நீட் வினாத்தாள் கசிவு மற்றும் இழப்பீடு போன்ற தற்காலிகத் தீர்வுகளைப் பற்றிப் பேசினாலும், தமிழ்நாட்டைப் பொறுத்தவரை முழுமையான நீட் விலக்கு மட்டுமே ஒரே தீர்வாகும். நீட் தேர்வு என்பது ஒரு சீர்திருத்தம் அல்ல; அது முற்றிலும் ஒரு ஏமாற்று வியாபாரம். விளையாட்டுப் பிரபலங்கள் முதல் முன்னணி மக்கள் பிரதிநிதிகள் வரை அனைவரும் மாணவர்களின் நலனுக்காக உண்மையான தைரியத்துடன் குரல் கொடுக்க வேண்டும் என்பதே மக்களின் எதிர்பார்ப்பாக உள்ளது.