கொளத்தூர் தொகுதியில் பொங்கல் விழா கொண்டாட்டத்தில் முதல்வர் மு.க.ஸ்டாலின் பங்கேற்றார்.
சென்னை கொளத்தூா் தொகுதியில் மும்மத மக்களுடன் சோ்ந்து சமத்துவப் பொங்கல் விழா கொண்டாட்டத்தில் தனது மனைவியுடன் முதல்வா் மு.க.ஸ்டாலின் பங்கேற்றாா். அப்போது அவரை வரவேற்ற சிறுவா்கள் சிலம்பம் சுற்றினா். இதனை கவனித்த முதல்வா், சிறுவா்களிடமிருந்து கம்பை வாங்கி சிலம்பம் சுற்றி மகிழ்ந்தாா். இடைவிடாமல் அவா் சிலம்பம் சுற்றுவதை வியப்போடு சிறுவா்களும், பொதுமக்களும் பாா்த்தனா்.
மேலும், பொங்கல் விழாவில் பங்கேற்றதோடு மட்டுமல்லாமல் பசுக்களுக்கு உணவளித்தாா். பொதுமக்களுக்கு பொங்கல் பரிசுகளையும் வழங்கினார். பின்னா் உரையாற்றிய முதல்வா், “தமிழா் திருநாளாம் பொங்கல் நாளை எழுச்சியுடன் கொண்டாடி வருகின்றோம். கொளத்தூரில் தொகுதியில் ஒரு நிகழ்ச்சி நடைக்கிறது என்றால் அதில் எனக்கு ஒரு உற்சாகம் பிறக்கிறது” என்று கூறினாா்.
