‘ஆர்யன்’ படத்தின் ரிலீஸ் தேதியை லாக் செய்த படக்குழு!

‘ஆர்யன்’ படத்தின் ரிலீஸ் தேதி அறிவிக்கப்பட்டுள்ளது.

தமிழ் சினிமாவில் டாப் நடிகர்களில் ஒருவரான விஷ்ணு விஷால் முண்டாசுப்பட்டி, ராட்சசன், கட்டா குஸ்தி ஆகிய வெற்றி படங்களை கொடுத்திருக்கிறார். இருப்பினும் கடைசியாக இவரது நடிப்பில் வெளியான லால் சலாம் திரைப்படம் எதிர்பார்த்த வெற்றியை தரவில்லை. அடுத்தது இவர், ஓர் மாம்பழ சீசனில், இரண்டு வானம் போன்ற படங்களை கைவசம் வைத்திருக்கிறார். இதற்கிடையில் இவர், பிரவீன்.கே இயக்கத்தில் ஆர்யன் திரைப்படத்தில் நடித்திருக்கிறார். ‘ராட்சசன்’ படத்திற்கு பிறகு இந்த படத்தில் போலீஸ் அதிகாரியாக நடித்துள்ளார் விஷ்ணு விஷால். இவருடன் இணைந்து செல்வராகவன், ஷ்ரத்தா ஶ்ரீநாத், வாணி போஜன் மற்றும் பலர் நடித்துள்ளனர். இந்த படத்தை விஷ்ணு விஷால் ஸ்டுடியோஸ் நிறுவனம் தயாரிக்க சாம். சி.எஸ் இதற்கு இசை அமைத்திருக்கிறார். இந்த படத்தின் படப்பிடிப்பு கடந்த மூன்று வருடங்களுக்கு முன்பாகவே தொடங்கப்பட்டது. அதன் பின்னர் நிறுத்தி வைக்கப்பட்ட இதன் படப்பிடிப்பு நீண்ட இடைவெளிக்கு பிறகு தொடங்கி, விறுவிறுப்பாக நடைபெற்று முடிவுக்கு வந்தது. மேலும் இந்த படமானது 2025 அக்டோபரில் திரைக்கு வரும் என பல தகவல்கள் வெளியான நிலையில் அக்டோபர் 31ஆம் தேதி இப்படம் வெளியாகும் என படக்குழு அதிகாரப்பூர்வமாக அறிவித்துள்ளது. அடுத்தது இப்படம் கிரைம் இன்வெஸ்டிகேஷன் திரில்லர் ஜானரில் உருவாகி இருப்பதால் இந்த படத்தைக் காண ரசிகர்கள் மிகுந்த ஆர்வத்துடன் காத்துக் கொண்டிருக்கின்றனர் என்பது குறிப்பிடத்தக்கது.