ரணம் படத்திலிருந்து புதிய பாடல் வெளியீடு

வைபவ் நடிப்பில் உருவாகியிருக்கும் ரணம் படத்திலிருந்து புதிய பாடலை படக்குழு, சமூக வலைதளத்தில் பகிர்ந்துள்ளது.

தமிழ் சினிமாவில் வளர்ந்து வரும் நடிகர்களில் ஒருவர் வைபவ். இவர் வெங்கட் பிரபு இயக்கிய சரோஜா திரைப்படத்தின் மூலம் திரைக்கு அறிமுகமானார். இதைத் தொடர்ந்து, பல படங்களில் கமிட்டாகி அவர் நாயகனாக நடித்து வருகிறார். மேயாத மான், கப்பல், லாக்கப், பபூன், ஆர் கே நகர் உள்ளிட்ட படங்களில் நடித்துள்ளார். இந்நிலையில் ரணம் என்ற புதிய படத்தில் கதாநாயகனாக நடித்துள்ளார். ஷெரிஃப் இந்த படத்தை எழுதி இயக்கியுள்ளார். மிதுன் மித்ரா ப்ரொடக்ஷன்ஸ் நிறுவனத்தின் சார்பில் இந்த படத்தை மது நாகராஜன் தயாரித்துள்ளார்.

படத்தில் வைபவுடன் இணைந்து தான்யா ஹோப் மற்றும் நந்திதா உள்ளிட்டோர் முக்கிய கதாபாத்திரங்களில் நடித்துள்ளனர். இத்திரைப்படத்திற்கு கொரெல்லி இசை அமைத்துள்ளார். இப்படத்தின் முதல் தோற்றம் மற்றும் டீசர் ஏற்கனவே வெளியாகி சமூக வலைதளங்களில் வரவேற்பை பெற்றன. கிரைம் திரில்லர் கதைகளத்தில் இத்திரைப்படம் உருவாகி உள்ளது.

இந்நிலையில், தற்போது ரணம் படத்தின் இரண்டாவது பாடல் வெளியாகி உள்ளது. சமூக வலைதளங்களில் இந்த பாடல் டிரெண்டாகி வருகிறது. இப்பாடலை நடிகை குஷ்பூ மற்றும் ராதிகா சரத்குமார் ஆகியோர் இணைந்து வெளியிட்டு உள்ளனர்.