கோலாகலமாக நடந்த விஜயகுமார் பேத்தி திருமணம்… ரஜினி உள்பட நட்சத்திரங்கள் படையெடுப்பு…

பிரபல நடிகர் விஜயகுமாரின் பேத்தி திருமணம், சென்னையில் கோலாகலமாக நடைபெற்று முடிந்தது. இதில் ஏராளமான திரை நட்சத்திரங்கள் கலந்துகொண்டு மணமக்களை வாழ்த்தினர்.

தமிழ் திரையுலகில் ஒரு மிகப்பெரிய நட்சத்திர குடும்பம் தான் விஜயகுமாரின் குடும்பம். தமிழில் சுமார் 400 படங்களில் நடித்துள்ள விஜயகுமாருக்கு, அருண்விஜய், கவிதா, அனிதா, வனிதா, பிரிதா, ஸ்ரீதேவி ஆகிய குழந்தைகள் உள்ளனர். சின்னத்திரையில் இவர் ‘தங்கம்’ தொடரில் ரம்யா கிருஷ்ணனுக்கு தந்தையாக நடித்துள்ளார். . தொடக்கத்தில் வில்லன் வேடத்தில் நடித்து வந்த அவர் தற்போது தந்தை, தாத்தா உள்பட குணச்சித்திர வேடத்தில் நடித்து வருகிறார்.

இவரது மூத்தமகன் அருண்விஜயும், இவரும் இணைந்து பாண்டவர் பூமி , மலாய் மலாய் , மஞ்சா வேலு, குற்றம் 23 மற்றும் ஓ மை டாக் ஆகிய திரைப்படங்களில் நடித்துள்ளனர். விஜயகுமாரின் இரண்டாவது மகள் அனிதா, இவர் சினிமாவில் நுழையாமல் மருத்துவராக உள்ளார். கோகுல் என்பவரை காதலித்து திருமணம் செய்து கொண்ட இவருக்கு, கோகுல், தியா என இரண்டு பிள்ளைகள் உள்ளனர். இதில் தியா வெளிநாட்டில் மருத்துவம் படித்து வருகிறார். இவருக்கு தான் தற்போது திருமணம் முடிவாகியது. திலன் என்பவருடன் சென்னையில் உள்ள சொகுசு விடுதியில் கோலாகலமாக திருமணம் நடைபெற்று முடிந்தது.

திருமணத்தில் நடிகர் ரஜினிகாந்த், கலந்து கொண்டு மணமக்களை வாழ்த்தினார். அதேபோல, மீனா, சிநேகா உள்பட நட்சத்திரங்கள் பலர் இதில் கலந்து கொண்டு மணமக்களை வாழ்த்திச் சென்றனர். இந்த புகைப்படங்கள் இணையத்தில் வெளியாகி வைரலாகி வருகின்றன.