அஜித்தின் லேட்டஸ்ட் புகைப்படம் இணையத்தில் வைரலாகி வருகிறது.
நடிகர் அஜித் விடாமுயற்சி, குட் பேட் அக்லி ஆகிய படங்களை முடித்துவிட்டு கார் ரேஸிங்கில் கவனம் செலுத்தி வருகிறார். இதற்கிடையில் அஜித், தனுஷ் இயக்கத்தில் புதிய படத்தில் நடிக்க போவதாகவும், ஹனீப் அடேனி இயக்கத்தில் புதிய படத்தில் நடிக்கப் போவதாகவும் பேச்சு அடிபடுகிறது. அதே சமயம் அஜித்தின் 64ஆவது படத்தை குட் பேட் அக்லி படத்தை இயக்கிய ஆதிக் ரவிச்சந்திரன் தான் இயக்க இருப்பதாக ஏற்கனவே தகவல் வெளியாகி எதிர்பார்ப்புகளை அதிகப்படுத்தியது.
ஏனென்றால் ‘குட் பேட் அக்லி’ திரைப்படம் அஜித் ரசிகர்களுக்கு தரமான விருந்து படைத்ததால் அஜித் – ஆதிக் கூட்டணியின் ‘ஏகே 64’ படத்தை எதிர்நோக்கி ரசிகர்கள் காத்துக் கொண்டிருக்கின்றனர். அதன்படி ஏகே 64 படத்தை ரோமியோ பிக்சர்ஸ் நிறுவனத்தின் சார்பில் ராகுல் தயாரிப்பதாகவும் அனிருத் இந்த படத்திற்கு இசையமைப்பதாகவும் சொல்லப்படுகிறது. இது தவிர மோகன்லால், ஸ்ரீலீலா, சுவாசிகா ஆகியோர் இந்த படத்தில் நடிப்பதற்கு ஒப்பந்தமாகியுள்ளனர் என சினிமா வட்டாரங்கள் தெரிவிக்கின்றன. அடுத்தது இதன் படப்பிடிப்பு 2025 நவம்பர் மாதத்தில் தொடங்கும் என எதிர்பார்க்கப்படுகிறது. 
இந்நிலையில் நடிகர் அஜித், தயாரிப்பாளர் ராகுல் மற்றும் இயக்குனர் ஆதிக் ரவிச்சந்திரனுடன் எடுத்துக் கொண்ட புகைப்படம் இணையத்தில் வைரலாகி வருகிறது. எனவே AK 64 படம் தொடர்பான அறிவிப்பு விரைவில் வெளியாகும் என்றும் தரமான சம்பவம் உறுதி என்றும் ரசிகர்கள் பலரும் தங்களின் கருத்துக்களை சமூக வலைதளங்களில் பதிவிட்டு வருகின்றனர்.