நடிகர் சிவகார்த்திகேயன் அயலான் படத்தின் ரிலீஸுக்கு பின்னர் தனது 21வது படமான அமரன் திரைப்படத்தில் நடித்து வந்தார். ராஜ்குமார் பெரியசாமி இயக்கத்தில் உருவாகி வரும் இந்த படத்தின் படப்பிடிப்பு காஷ்மீர் போன்ற பகுதிகளில் பரபரப்பாக நடைபெற்று வந்த நிலையில் படப்பிடிப்பு முழுவதும் நிறைவடைந்ததாக சமீபத்தில் படக்குழுவினர் வீடியோ ஒன்றை வெளியிட்டு அறிவித்திருந்தனர்.
அதே சமயம் நடிகர் சிவகார்த்திகேயன், பிரபல இயக்குனர் ஏ ஆர் முருகதாஸ் இயக்கத்தில் தனது 23வது படத்தில் நடித்து வருகிறார். அனிருத் இந்த படத்திற்கு இசையமைக்கிறார். SK23 என்று தற்காலிகமாக தலைப்பு வைக்கப்பட்டுள்ள இந்தப் படத்தில் ருக்மினி வசந்த், விதியூத் ஜாம்வால் உள்ளிட்டோர் நடித்து வருகின்றனர். மேலும் இவர்களுடன் இணைந்து மலையாள நடிகர் பிஜு மேனன் முக்கிய கதாபாத்திரத்தில் நடிப்பதாக சொல்லப்படுகிறது. அந்த வகையில் இந்த படத்தின் படப்பிடிப்பு ஏற்கனவே தொடங்கப்பட்டு தற்போது சென்னையில் பரபரப்பாக நடைபெற்று வருகிறது. அந்த படப்பிடிப்பில் சிவகார்த்திகேயனுடைய ஆக்ஷன் காட்சிகள் படமாக்கப்பட்டு வருவதாக தற்போதைய தகவல்கள் தெரிவிக்கின்றன. இந்நிலையில் இதன் கூடுதல் தகவல் என்னவென்றால், SK23 படத்தில் பிரபல பாலிவுட் நடிகர் சல்மான் கான் கேமியோ ரோலில் நடிக்க வாய்ப்புள்ளதாக நம்ப தகுந்த வட்டாரங்கள் தெரிவிக்கின்றன.
ஏனென்றால் ஏ ஆர் முருகதாஸ், ஒரே சமயத்தில் சிவகார்த்திகேயனின் SK23 படத்தையும், சல்மான்கானின் சிக்கந்தர் படத்தையும் இயக்கி வருவதால் சல்மான் கான் SK23ல் சிறப்பு தோற்றத்தில் நடிக்கலாம் என்று பலரும் தங்களின் கருத்துக்களை தெரிவித்து வருகின்றனர்.