spot_imgspot_imgspot_imgspot_img
Homeசெய்திகள்சினிமாதனுஷின் 51வது பட டைட்டில் ஃபர்ஸ்ட் லுக் வெளியீடு!

தனுஷின் 51வது பட டைட்டில் ஃபர்ஸ்ட் லுக் வெளியீடு!

-

- Advertisement -

தனுஷின் 51வது பட டைட்டில் ஃபர்ஸ்ட் லுக் வெளியாகி உள்ளது.

நடிகர் தனுஷ், கடைசியாக கேப்டன் மில்லர் படத்தில் நடித்திருந்தார். அதேசமயம் தனது ஐம்பதாவது படமான ராயன் திரைப்படத்தை தானே
இயக்கி நடித்திருந்தார். தனுஷின் 51வது பட டைட்டில் லுக் வெளியீடு!இந்த படத்தை 2024 கோடை விடுமுறையில் வெளியிட பட குழுவினர் திட்டமிட்டு வருகின்றனர். இவ்வாறு தனுஷ் ஒரு இயக்குனராகவும் ஒரு நடிகராகவும் வலம் வரும் நிலையில் தனுஷ் தனது 51வது திரைப்படத்தை பிரபல தெலுங்கு இயக்குனர் சேகர் கம்முலா இயக்கத்தில் நடித்து வருகிறார். இந்த படத்தில் தனுஷ் உடன் இணைந்து நாகார்ஜுனா, ராஷ்மிகா உள்ளிட்டோர் முக்கிய கதாபாத்திரங்களில் நடித்து வருகின்றனர். இந்த படத்தை ஸ்ரீ வெங்கடேஸ்வரா சினிமாஸ் நிறுவனம் தயாரிக்க தேவி ஸ்ரீ பிரசாத் இதற்கு இசையமைக்கிறார். படத்தின் படப்பிடிப்பு திருப்பதி, ஹைதராபாத் போன்ற பகுதிகளில் விறுவிறுப்பாக நடைபெற்று வருகிறது. இந்த படம் மும்பை தாராவியை மையமாக வைத்து உருவாகி வருவதாக கூறப்படுகிறது இந்நிலையில் இந்த படத்தின் டைட்டில் ஃபர்ஸ்ட் லுக் வீடியோ வெளியாகி உள்ளது.

we-r-hiring

அதன்படி இந்த படத்திற்கு குபேரா என்று தலைப்பு வைக்கப்பட்டுள்ளது. இதில் நடிகர் தனுஷை முற்றிலும் வேறொரு பரிமாணத்தில் காண முடிகிறது. மகா சிவராத்திரி தினத்தை முன்னிட்டு வெளியாகி உள்ள குபேரா படத்தின் டைட்டில் ஃபர்ஸ்ட் லுக் வீடியோ தற்போது சமூக வலைதளங்களில் வைரலாகி வருகிறது. மேலும் இந்த படம் தமிழ், தெலுங்கு, மலையாளம், இந்தி, கன்னடம் உள்ளிட்ட மொழிகளில் பான் இந்திய அளவில் வெளியாக இருக்கிறது என்பது குறிப்பிடத்தக்கது.

MUST READ