எம்புரான் படத்தின் டீசர் வெளியாகி உள்ளது.
கடந்த 2019 ஆம் ஆண்டு மார்ச் மாதம் மோகன்லால் நடிப்பில் லூசிபர் திரைப்படம் வெளியானது. இந்த படத்தை பிரபல நடிகரும் இயக்குனருமான பிரித்விராஜ் இயக்கியிருந்தார். இந்த படத்தில் மோகன்லால், டோவினோ தாமஸ், மஞ்சு வாரியர், விவேக் ஓபராய் மற்றும் பலர் நடித்திருந்தனர். மாஸான ஆக்சன் படமாக வெளியான இந்த படம் ரசிகர்கள் மத்தியில் வசூல் ரீதியாகவும் விமர்சன ரீதியாகவும் மிகப்பெரிய வெற்றி பெற்றது. அதைத்தொடர்ந்து பிரித்விராஜ், மோகன்லால் கூட்டணியில் எம்புரான் என்ற தலைப்பில் லூசிபர் 2 திரைப்படம் உருவாகி வருகிறது. மிகுந்த எதிர்பார்ப்புகளுடன் உருவாகும் இந்த படத்தினை லைக்கா நிறுவனம் தயாரிக்கிறது. தீபக் தேவ் இந்த படத்திற்கு இசையமைக்க சுஜித் வாசுதேவ் இதன் ஒளிப்பதிவு பணிகளை கவனிக்கிறார். இந்த படம் மலையாளம், தமிழ், தெலுங்கு, இந்தி, கன்னடம் ஆகிய மொழிகளில் உருவாகி வருகிறது.
அதன்படி ஏற்கனவே இந்த படத்தின் படப்பிடிப்புகள் கேரளா, அமெரிக்கா போன்ற பகுதிகளில் பல கட்டங்களாக நடந்து முடிந்துள்ளது. அதேசமயம் இப்படம் 2025 மார்ச் மாதம் 27 ஆம் தேதி உலகம் முழுவதும் திரைக்கு வர முழு வீச்சில் தயாராகி வருகிறது. இந்நிலையில் இந்த படத்தின் டீசரை படக்குழு வெளியிட்டுள்ளது. ஏற்கனவே லூசிபர் முதல் பாகத்தில் நடிகர் மோகன்லால் வேஷ்டி சட்டையில் மாஸாக மிரட்டி இருப்பார். தற்போது இரண்டாம் பாகத்தில் ஸ்டைலிஷான லுக்கில் அதிரடி கிளப்புகிறார். இந்த டீசர் படத்தின் மீதான எதிர்பார்ப்பை அதிகப்படுத்தி உள்ளது. அத்துடன் இணையத்திலும் வைரலாகி வருகிறது.