இந்திய இசைத்துறையின் பெருமைமிகு இசையமைப்பாளரான ஏ.ஆர்.ரகுமான் உலகளாவிய இசைத்துறைக்கு ஆற்றிய சிறப்பான பங்களிப்பை பாராட்டி வழங்கப்படும் மதிப்புமிக்க ‘Golden Plate’ விருதைப் பெற்றுள்ளார்.
இந்தியாவின் பெருமைமிகு இசையமைப்பாளர் ஏ.ஆர். ரகுமான், அமெரிக்காவின் வாஷிங்டன் நகரில் நடைபெற்ற 56-வது சர்வதேச சாதனையாளர் உச்சி மாநாட்டில் மதிப்புமிக்க ‘கோல்டன் பிளேட்’ விருதைப் பெற்றுள்ளார். இசைத்துறையில் அவர் நிகழ்த்திய உலகளாவிய சாதனைகளுக்காக இந்த அமெரிக்க அகாடமி ஆஃப் அச்சிவ்மென்ட் விருது அவருக்கு வழங்கப்பட்டுள்ளது.
வாஷிங்டனில் உள்ள வரலாற்று சிறப்புமிக்க மெலன் ஆடிட்டோரியத்தில் நடைபெற்ற பிரம்மாண்ட விழாவில், உலகப் புகழ்பெற்ற திரைப்பட இயக்குநர் பீட்டர் ஜாக்சன் (Peter Jackson) ஏ.ஆர். ரகுமானுக்கு இந்த விருதை வழங்கி கௌரவித்தார்.
ஏ.ஆர். ரகுமான், இந்திய இசையை உலக அரங்கிற்கு கொண்டு சென்ற முக்கிய ஆளுமைகளில் ஒருவராகத் திகழ்கிறார். குறிப்பாக Slumdog Millionaire திரைப்படத்திற்காக ஒரே இரவில் இரண்டு ஆஸ்கர் விருதுகளை வென்று இந்தியாவிற்கு சர்வதேச அளவில் பெருமை சேர்த்தார். மேலும் கிராமி உள்ளிட்ட பல்வேறு உலகளாவிய விருதுகளையும் பெற்றுள்ளார்.
இந்த Academy of Achievement Award ஆனது, கலை, அறிவியல், மற்றும் பொது சேவை போன்ற துறைகளில் உலகிற்கு நீடித்த தாக்கத்தை ஏற்படுத்திய தலைசிறந்த நபர்களுக்கு வழங்கப்படும் மிக உயரிய கௌரவமாகும். ஏ.ஆர். ரகுமான் சர்வதேச அளவில் இந்திய இசையை கொண்டு சேர்த்ததையும், பல உலகப் புகழ்பெற்ற கலைஞர்களுடன் இணைந்து பணியாற்றியதையும் இந்த விருது அங்கீகரிக்கிறது.
இந்த விருதைப் பெற்றதன் மூலம், ஹருகி முரகாமி, ஜூலி ஆண்ட்ரூஸ், ஃப்ரான்சிஸ் ஃபோர்ட் கொப்போலா, மற்றும் ஆண்ட்ரூ லாயிட் வெபர் போன்ற உலகெங்கிலும் உள்ள புகழ்பெற்ற ஆளுமைகளின் வரிசையில் ஏ.ஆர். ரகுமானும் இணைந்துள்ளார்.
தமிழ் சினிமாவில் தனது இசைப் பயணத்தைத் தொடங்கி, ஸ்லம்டாக் மில்லியனர் படத்திற்காக இரண்டு ஆஸ்கர் விருதுகள், கிராமி, பாஃப்டா, மற்றும் கோல்டன் குளோப் போன்ற உலகின் மிக உயரிய விருதுகளை வென்று இந்தியாவிற்குப் பெருமை சேர்த்தவர் ஏ.ஆர். ரகுமான். இந்த புதிய ‘கோல்டன் பிளேட்’ விருதானது அவரது மூன்று தசாப்த கால இசைப் பயணத்தில் மற்றுமொரு வரலாற்று மைல்கல்லாகும். இந்த விருதைப் பெற்றதையடுத்து, திரையுலகினர், இசைக் கலைஞர்கள் மற்றும் ரசிகர்கள் அவருக்கு வாழ்த்துகளைத் தெரிவித்து வருகின்றனர்.
நடிகர் ரவி மோகன் வீட்டில் பரபரப்பு.. பணிப்பெண் மற்றும் அவரது மகன் சிறைபிடிக்கப்பட்டதாக புகார்…