கமல்ஹாசன் – சிம்புவின் தக் லைஃப் பட முக்கிய அப்டேட் வெளியாகியுள்ளது.
கமல்ஹாசன் நடிப்பில் கடைசியாக இந்தியன் 2 திரைப்படம் வெளியாகி கலவையான விமர்சனங்களை பெற்றது. இது தவிர கமல்ஹாசன், அன்பறிவ் மாஸ்டர்கள் இயக்கத்தில் தனது 237 வது படத்தில் நடிப்பதற்கு ஒப்பந்தம் ஆகியுள்ளார். இதற்கிடையில் இவர், மணிரத்னம் இயக்கத்தில் தக் லைஃப் எனும் திரைப்படத்திலும் நடித்து முடித்துள்ளார். இந்த படத்தை கமல்ஹாசனின் ராஜ்கமல் ஃபிலிம்ஸ் இன்டர்நேஷனல் நிறுவனம் தயாரிக்க ஏ.ஆர். ரகுமான் இதற்கு இசையமைக்கிறார். இந்த படத்தில் கமல்ஹாசன் உடன் இணைந்து சிம்பு முக்கிய கதாபாத்திரத்தில் நடித்துள்ளார். மேலும் திரிஷா, அசோக் செல்வன், கௌதம் ராம் கார்த்திக், ஐஸ்வர்யா லக்ஷ்மி, ஜோஜு ஜார்ஜ் மற்றும் பலர் நடித்துள்ளனர். இந்த படத்தின் படப்பிடிப்புகள் ஏற்கனவே நிறைவடைந்த நிலையில் படமானது 2025 ஜூன் 5ஆம் தேதி உலகம் முழுவதும் வெளியாக இருக்கிறது. இதற்கிடையில் இந்த படத்தில் இருந்து டீசரும், ஜிங்குஜா எனும் பாடலும் வெளியாகி ரசிகர்கள் மத்தியில் நல்ல வரவேற்பை பெற்றுள்ளது. அதே சமயம் வருகின்ற மே 16ஆம் தேதி நடைபெற இருந்த இந்த படத்தின் இசை வெளியீட்டு விழா ஒத்திவைக்கப்பட்டுள்ளது. 
இந்நிலையில் இப்படம் குறித்த புதிய அப்டேட் வெளியாகியுள்ளது. ஏற்கனவே இந்த படத்தின் ப்ரோமோஷன் பணிகள் தொடங்கி நடைபெற்று வரும் நிலையில், இதன் ஆடியோ லான்ச் நிகழ்வு ஆஸ்திரிலியாவில் மே 23 அன்று நடைபெற இருப்பதாக தெரிவிக்கப்பட்டுள்ளது. அதாவது படத்தின் மீதி பாடல்களை ஆஸ்திரேலியாவில் நடைபெறும் இந்த நிகழ்வில் படக்குழு வெளியிடும் என்றும் இந்த மாத இறுதியில் சென்னையிலும் ஒரு நிகழ்வு நடக்க வாய்ப்புள்ளதாகவும் சொல்லப்படுகிறது.