‘ராயன்’ படத்தில் சந்தீப் ரோலில் நடிக்க இருந்தது இந்த நடிகரா?

தனுஷ் நடிப்பில் கடந்த ஜூலை 26ஆம் தேதி உலகம் முழுவதும் வெளியான திரைப்படம் தான் ராயன். இந்த படம் தனுஷின் ஐம்பதாவது படமாகும். எனவே இதை இயக்கியதும் தனுஷ் தான். இந்த படத்தை சன் பிக்சர்ஸ் நிறுவனம் தயாரிக்க ஓம் பிரகாஷ் இதன் ஒளிப்பதிவு பணிகளை கவனித்திருந்தார். ஏ ஆர் ரகுமான் இதற்கு இசையமைத்திருந்தார். இந்த படத்தில் தனுஷ், சந்தீப் கிஷன், காளிதாஸ் ஜெயராம், எஸ் ஜே சூர்யா, துஷாரா விஜயன் உள்ளிட்டோர் முக்கிய கதாபாத்திரங்களில் நடித்திருந்தனர். இந்த படம் வெளியான நாள் முதலே பாசிட்டிவான விமர்சனங்களை பெற்று வெற்றிப்பாதையில் நகர்ந்து கொண்டிருக்கிறது. அந்த வகையில் இரண்டு நாட்களில் 50 கோடிக்கு அதிகமாக வசூல் செய்த நிலையில் அடுத்தடுத்த நாட்களிலும் வசூல் வேட்டை நடத்தி வருகிறது. இந்த படத்தில் தனுஷின் தங்கையாக நடித்திருந்த துஷாரா விஜயனின் கதாபாத்திரம் பெரிய அளவில் பேசப்படுகிறது. அதேபோல் சந்தீப் கிஷனின் கதாபாத்திரமும் தனுஷுக்கு நிகரான கதாபாத்திரமாக அமைந்து பல்வேறு தரப்பினர் இடையே பாராட்டுகளை பெற்று வருகிறது. இந்நிலையில் முதலில் சந்தீப்பின் கதாபாத்திரத்தில் நடிக்க இருந்தது விஷ்ணு விஷால் தான் என்று சொல்லப்படுகிறது. ஆனால் விஷ்ணு விஷால், லால் சலாம் போன்ற பல படங்களில் பிசியாக இருந்ததால் அவரால் ராயன் திரைப்படத்தில் நடிக்க முடியாமல் போனதாக தற்போதைய தகவல்கள் தெரிவித்துள்ளன.