ஜனநாயகன் படத்தின் ஃபர்ஸ்ட் சிங்கிள் ரிலீஸ் தள்ளிப்போவதாக தகவல் வெளியாகி இருக்கிறது.
மிகுந்த எதிர்பார்ப்புகளுடன் விஜய் நடிப்பில் தற்போது உருவாகி வரும் திரைப்படம் தான் ஜனநாயகன். அரசியல்வாதியாக மாறி இருக்கும் விஜயின் கடைசி படம் இது என்பதால் இந்த படத்தை திருவிழா போல் கொண்டாட ரசிகர்கள் தயாராகி வருகிறார்கள். அதன்படி இந்த படத்தின் படப்பிடிப்புகள் ஏற்கனவே நிறைவடைந்து படத்திலிருந்து ஒவ்வொரு அப்டேட்டுகளும் வெளியாகி ரசிகர்களின் ஆர்வத்தையும், எதிர்பார்ப்பையும் தூண்டி வருகிறது. அந்த வகையில் அரசியல் ஜானரில் உருவாகும் இந்த படத்தில் நடிகர் விஜய், போலீஸ் கேரக்டரில் நடித்திருக்கிறார். இது தவிர அட்லீ, லோகேஷ், நெல்சன் ஆகியோர் இந்த படத்தில் நடித்திருப்பதாக சொல்லப்படுகிறது.
மேலும் எம்.ஜி.ஆரின் ‘நான் ஆணையிட்டால்’ பாடல் இந்த படத்தில் ரீமிக்ஸ் செய்யப்பட்டு இருப்பதாகவும் சமீபத்திய தகவல்கள் தெரிவிக்கின்றன. இவ்வாறு நாளுக்கு நாள் எதிர்பார்ப்பை தூண்டும் வகையில் பல அப்டேட்டுகள் வெளிவந்து கொண்டிருக்கிறது. இதற்கிடையில் இந்த படத்தின் ஃபர்ஸ்ட் சிங்கிள் விரைவில் வெளியாகும் என சொல்லப்பட்டது. ஆனால் தற்போது கிடைத்த தகவல் என்னவென்றால், ‘ஜனநாயகன்’ படத்தின் முதல் பாடலை 2025 தீபாவளி தினத்தை முன்னிட்டு வெளியிட படக்குழு திட்டமிட்டு வருவதாக தெரிய வந்திருக்கிறது. அதாவது இப்படத்தின் முதல் பாடலானது ‘தளபதி கச்சேரி’ பாடல் எனவும் இந்த பாடலுக்கு சேகர் மாஸ்டர் நடன இயக்குனராக பணியாற்றியுள்ளார் எனவும் கூறப்படுகிறது. 
அதுமட்டுமில்லாமல் இந்த பாடலில் நடிகை பூஜா ஹெக்டேவும், மமிதா பைஜூவும் இந்த பாடலில் இருப்பார்கள் என்று கூடுதல் தகவலும் கிடைத்திருக்கிறது. இருப்பினும் இப்பாடல் வெளியாவதற்கு இன்னும் பல நாட்கள் இருப்பதால் ரசிகர்களுக்கு இந்த தகவல் சற்று அதிருப்தியை ஏற்படுத்தி உள்ளது.
‘ஜனநாயகன்’ படத்தினை ஹெச். வினோத் இயக்க கே.வி.என் ப்ரொடக்ஷன்ஸ் நிறுவனம் படத்தை தயாரிக்கிறது. அனிருத் இதற்கு இசையமைக்கிறார். இந்த படம் 2026 ஜனவரி 9 அன்று உலகம் முழுவதும் ரிலீஸாக இருக்கிறது என்பது குறிப்பிடத்தக்கது.