கவின் நடிக்கும் கிஸ் படத்தின் முக்கிய அப்டேட் வெளியாகியுள்ளது.
தமிழ் சினிமாவில் ரசிகர்களின் ஃபேவரைட் நடிகராக வலம் வருபவர் நடிகர் கவின். இவர் தற்போது தொடர்ந்து அடுத்தடுத்த படங்களில் பிஸியாக நடித்து வருகிறார். அந்த வகையில் ‘மாஸ்க்’ எனும் திரைப்படத்தில் நடித்துள்ளார். இது தவிர நயன்தாராவுடன் இணைந்து புதிய படத்திலும் நடிக்கிறார். இதற்கிடையில் இவர், நடன இயக்குனர் சதீஷ் இயக்கத்தில் கிஸ் எனும் திரைப்படத்தில் நடித்து முடித்துள்ளார். ரோமியோ பிக்சர்ஸ் நிறுவனத்தின் சார்பில் ராகுல் இந்த படத்தை தயாரிக்க ஜென் மார்ட்டின் இதற்கு இசையமைத்திருக்கிறார். ஹரிஷ் கண்ணன் இந்த படத்தின் ஒளிப்பதிவாளராக பணியாற்றியுள்ளார். இந்த படத்தில் கவின் உடன் இணைந்து பிரீத்தி அஸ்ராணி, பிரபு, விடிவி கணேஷ் மற்றும் பலர் நடித்துள்ளனர். ரொமான்டிக் காதல் கதைக்களத்தில் உருவாகியுள்ள இந்த படம் வருகின்ற செப்டம்பர் 19ஆம் தேதி உலகம் முழுவதும் திரைக்கு வர இருக்கிறது.
இதற்கிடையில் இந்த படத்தில் இருந்து அடுத்தடுத்த போஸ்டர்கள், டீசர், பாடல்கள் வெளியாகி ரசிகர்களை கவர்ந்துள்ளது. இந்நிலையில் நாளை (செப்டம்பர் 9) மாலை 5 மணி அளவில் ‘கிஸ்’ படத்தின் டிரைலர் வெளியாகும் என படக்குழு புதிய போஸ்டர் ஒன்றை வெளியிட்டு அறிவித்திருக்கிறது. இந்த தகவல் கவின் ரசிகர்கள் மத்தியில் எதிர்பார்ப்பை அதிகப்படுத்தி உள்ளது.