அடுத்த படத்திற்கான பணிகளை தொடங்கிய லோகேஷ் …. ஆனா அது தமிழ் படம் இல்லையா?

இயக்குனர் லோகேஷ் கனகராஜ் தனது அடுத்த படத்திற்கான பணிகளை தொடங்கியுள்ளார்.

தமிழ் சினிமாவில் ‘கைதி’ திரைப்படத்தை இயக்கி பெயரையும் புகழையும் பெற்றவர் லோகேஷ் கனகராஜ். அதைத் தொடர்ந்து இவர் இயக்கிய மாஸ்டர், விக்ரம் ஆகிய படங்களும் ஹிட் அடித்தது. ஆனால் லியோ, கூலி ஆகிய திரைப்படங்கள் ரசிகர்கள் மத்தியில் கலவையான விமர்சனங்களை பெற்றது. இதன் பின்னர் லோகேஷ், ‘கைதி 2’ படத்தை இயக்கி, அதன் மூலம் சிறந்த கம்பேக் கொடுப்பார் என எதிர்பார்க்கப்படுகிறது. இதற்கிடையில் இவர் ‘டிசி’ எனும் திரைப்படத்தில் கதாநாயகனாகவும் நடித்து வருகிறார். அருண் மாதேஸ்வரன் இயக்கும் இந்த படத்தின் படப்பிடிப்புகள் தீவிரமாக நடைபெற்று வருகிறது. இந்நிலையில் லோகேஷ் கனகராஜ், தான் இயக்கப்போகும் 7வது படம் தொடர்பான முதற்கட்ட பணிகளை தொடங்கியுள்ளார். இது குறித்து லோகேஷ் கனகராஜின் இணை இயக்குனர் ஒருவர், லோகேஷ் கனகராஜ் தனது டீமுடன் இருக்கும் புகைப்படம் ஒன்றை வெளியிட்டுள்ளார்.
மேலும் லோகேஷ் கனகராஜின் அடுத்த படமானது ‘கைதி 2’ படம் இல்லை எனவும் இந்த படம் தெலுங்கு திரைப்படமாக இருக்கும் எனவும் சினிமா வட்டாரங்களில் கிசுகிசுக்கப்படுகிறது.

ஏற்கனவே லோகேஷ் கனகராஜ் பவன் கல்யாண் – பிரபாஸ் ஆகியோரை வைத்து பிரம்மாண்ட பட்ஜெட்டில் தெலுங்கு படம் ஒன்றை இயக்கப்போகிறார் என பேச்சு அடிபட்ட நிலையில் இது, அந்த படம் தொடர்பான பணிகளாக இருக்கக்கூடும் என்று தற்போதைய தகவல்கள் தெரிவிக்கின்றன. இனிவரும் நாட்களில் மற்ற அப்டேட்கள் வெளியாகும் என நம்பப்படுகிறது.