ராம்சரண் நடிக்கும் பெடி படத்தின் லேட்டஸ்ட் அப்டேட் வெளியாகியுள்ளது.
தெலுங்கு சினிமாவில் டாப் நடிகராக வலம் வருபவர் நடிகர் ராம் சரண். இவர் கடைசியாக சங்கர் இயக்கத்தில் வெளியான கேம் சேஞ்சர் திரைப்படத்தில் நடித்திருந்தார். பிரம்மாண்ட பட்ஜெட்டில் மிகுந்த எதிர்பார்ப்புகளுடன் வெளியான இந்த படம் ரசிகர்கள் மத்தியில் எதிர்பார்த்த வெற்றியைப் பெறவில்லை. இதைத்தொடர்ந்து ராம் சரண் , புச்சி பாபு சனா இயக்கத்தில் பெடி எனும் திரைப்படத்தில் நடித்து வருகிறார். இந்த படமானது ராம் சரணின் 16 வது படமாகும். இந்த படத்தில் ராம் சரணுடன் இணைந்து ஜான்வி கபூர் நடிக்கிறார். ஏ.ஆர். ரகுமான் இந்த படத்திற்கு இசையமைக்க ஆர். ரத்தினவேல் இதன் ஒளிப்பதிவு பணிகளை கவனிக்கிறார். வ்ரித்தி சினிமாஸ் நிறுவனம் இந்த படத்தை தயாரிக்கிறது. ஆக்சன் கலந்த கதைக்களத்தில் பான் இந்திய அளவில் உருவாகும் இந்த படத்தின் மீதான எதிர்பார்ப்பு மிகப்பெரிய அளவில் இருந்து வருகிறது. 
எனவே கேம் சேஞ்சர் படத்திற்கு பிறகு ரசிகர்கள் பலரும் பெடி திரைப்படத்தை எதிர்நோக்கி காத்துக் கொண்டிருக்கின்றனர். அதன்படி இந்த படத்தின் படப்பிடிப்பு ஏற்கனவே தொடங்கி மைசூர் போன்ற பகுதிகளில் விறுவிறுப்பாக நடைபெற்று வருகிறது. தற்போது இதன் அடுத்த கட்ட படப்பிடிப்பை லண்டனில் நடத்த படக்குழு திட்டமிட்டு இருப்பதாகவும் தெரியவந்துள்ளது. இதற்கிடையில் இந்த படம் 2026 மார்ச் 27ஆம் தேதி திரைக்கு வரும் என அறிவிக்கப்பட்டிருக்கிறது என்பது குறிப்பிடத்தக்கது.