ஆர்.ஆர்.ஆர். திரைப்படம் அற்புதமானது – ஜேம்ஸ் கேமரூன்

தெலுங்கில் வெளியாகி உலகையே திரும்பிப் பார்க்க வைத்த மாபெரும் பிரம்மாண்ட படைப்பு ஆர்.ஆர்.ஆர். திரைப்படம். மெகா ஸ்டாராக கொண்டாடப்படும் நடிகர் சிரஞ்சீவியின் மகன் ராம் சரண், ஜூனியர் என்.டி.ஆர். நடிப்பில் வெளியான திரைப்படம் ஆர்.ஆர்.ஆர். இயக்குநர் ராஜமௌலி இயக்கத்தில் வெளியானது. இப்படம் உலகம் முழுவதும் கடந்த 2022-ம் ஆண்டு மார்ச் 25-ஆம் தேதி வெளியானது. தெலுங்கு, தமிழ், மலையாளம், கன்னடம், இந்தி மொழிகளில் வெளியான இப்படம் மாபெரும் வெற்றியை பெற்று நல்ல வசூல் சாதனையும் செய்தது.

இப்படத்தில் பாலிவுட் நடிகர் அஜய் தேவ்கான், நடிகை ஆலியா பட், பிரகாஷ் ராஜ், சமுத்திரகனி உள்ளிட்டோர் முக்கிய கதாபாத்திரங்களில் நடித்துள்ளனர். பீம் கதாபாத்திரத்தில் ஜூனியர் என்.டி.ஆர் மற்றும் ராம ராஜு கதாபாத்திரத்தில் ராம் சரணும் நடித்திருந்தனர். 95-வது ஆஸ்கர் விருது விழாவில், சிறந்த பாடல் பிரிவில் ஆர்.ஆர்.ஆர் படத்தின் ‘நாட்டு நாட்டு’ பாடலுக்கு ஆஸ்கர் விருது வென்றது. அதேபோல, கோல்டன் குளோப் விருதையும், வென்றது.

ஆர்.ஆர்.ஆர். திரைப்படத்தை இந்திய பிரபலங்கள் மட்டுமன்றி ஹாலிவுட் நட்சத்திரங்களும் பாராட்டினர். இந்நிலையில், தற்போது ஹாலிவுட் ஜாம்பவான், பிரபல இயக்குநர் ஜேம்ஸ் கேமரூன் ஆர்.ஆர்.ஆர். திரைப்படத்தை புகழ்ந்து பாராட்டி இருக்கிறார். பேட்டி ஒன்றில் பேசிய அவர், ராஜமௌலியின் படம் பார்த்தேன், அற்புதமான திரைப்படம் அது. உலக அரங்கில் இந்திய சினிமா உயர்வான இடத்தை பிடித்து வருகிறது என புகழாரம் சூட்டியிருக்கிறார்.