சரத்குமார், சசிகுமார் கூட்டணியில் உருவாகியுள்ள ‘நா நா‘ படத்தின் டிரைலர் ரிலீஸ் ஆகியுள்ளது.
சலீம், சதுரங்க வேட்டை 2 உள்ளிட்ட படங்களை இயக்கிய என் வி நிர்மல் குமார் இயக்கத்தில் நா நா திரைப்படம் உருவாகியுள்ளது. இந்த படத்தில் சசிகுமார் மற்றும் சரத்குமார் முன்னணி கதாபாத்திரங்களில் நடித்துள்ளனர். இவர்களுடன் பாரதிராஜா முக்கிய கதாபாத்திரத்தில் நடித்துள்ளார். இதனை கல்பதரு நிறுவனத்தின் சார்பில் பி கே ராம்மோகன் தயாரித்துள்ளார்.
இந்த படத்தின் ஃபர்ஸ்ட் லுக் மோஷன் போஸ்டர் சில ஆண்டுகளுக்கு முன்பாக வெளியாகி நல்ல வரவேற்பை பெற்றது.
தற்போது நீண்ட இடைவெளிக்கு பிறகு படத்தின் டிரைலர் வெளியாகி உள்ளது. இந்த ட்ரெய்லரின் மூலம் இப்படம் ஆக்ஷன் திரில்லரில் வித்தியாசமான கதைக்களத்தில் உருவாகியுள்ளதாக தெரியவந்துள்ளது. மேலும் இப்படம் விரைவில் வெளியாக இருப்பதாக இந்த ட்ரெய்லரில் குறிப்பிடப்பட்டுள்ளது.