சூரி நடித்துள்ள மாமன் படத்தின் முக்கிய அப்டேட் வெளியாகியுள்ளது.
நடிகர் சூரி தற்போது அடுத்தடுத்த படங்களில் ஹீரோவாக நடித்து வருகிறார். அந்த வகையில் ‘மண்டாடி’ எனும் திரைப்படத்தில் நடித்து வருகிறார் சூரி. இதற்கிடையில் இவர், விலங்கு வெப் தொடரை இயக்கிய பிரசாந்த் பாண்டியராஜ் இயக்கத்தில் மாமன் எனும் திரைப்படத்தில் நடித்துள்ளார். இந்த படத்தில் சூரிக்கு ஜோடியாக ஐஸ்வர்யா லக்ஷ்மி நடித்துள்ளார். 
இவர்களுடன் இணைந்து சுவாசிகா, ராஜ் கிரண், பாபா பாஸ்கர், பால சரவணன் மற்றும் பலர் நடித்திருக்கின்றனர். இந்த படமானது தாய்மாமனுக்கும் மருமகனுக்கும் இடையிலான பாசப்பிணைப்பை மையமாக வைத்து எடுக்கப்பட்டிருக்கிறது. அதன்படி குடும்பப் பின்னணியில் உருவாக்கப்பட்டுள்ள இந்த படத்தின் மீதான எதிர்பார்ப்பு மிகப்பெரிய அளவில் இருந்து வருகிறது. அதன்படி ஏற்கனவே படப்பிடிப்புகளும் நிறைவடைந்து படமானது வருகின்ற மே 16 அன்று திரைக்கு வர தயாராகி வருகிறது. சமீபத்தில் இருந்த படத்தின் டிரைலர் வெளியாகி ரசிகர்களை வெகுவாக கவர்ந்தது.
இந்நிலையில் இன்று (மே 6) இந்த படத்தின் இசை வெளியீட்டு விழா நடைபெறும் என தகவல் வெளியாகி உள்ளது. ஏற்கனவே இந்த படத்தில் இருந்து அடுத்தடுத்த போஸ்டர்களும், டிரைலரும் மட்டுமே வெளியாகி இருந்த நிலையில் இன்று முதல் இந்த படத்தில் இருந்து பாடல்கள் வெளியிடப்படும் என எதிர்பார்க்கப்படுகிறது.