- Advertisement -
கடந்த 2013-ம் ஆண்டு மலையாளத்தில் ஜீத்து ஜோசப் இயக்கத்தில் வெளியான திரைப்படம் த்ரிஷ்யம். இதில் மோகன்லால் நாயகனாக நடித்திருந்தார். அவருக்கு மனைவியாக பிரபல தமிழ் நடிகை மீனா நடித்திருந்தார். இவர்கள் நடிப்பில் த்ரில்லர் கதைக்களத்தில் வௌியான த்ரிஷ்யம் திரைப்படம் மாபெரும் வெற்றிப்படமாக மாறியது. மலையாள ரசிகர்கள் மத்தியில் பெரும் வரவேற்பை பெற்ற இத்திரைப்படம், வசூலிலும் சக்கைப்போடு போட்டது. அதையடுத்து தமிழ், தெலுங்கு, ஹிந்தி என பல மொழிகளில் இப்படம் ரீமேக் செய்யப்பட்டு எல்லா மொழிகளிலும் சூப்பர் ஹிட் அடித்தது.
முதல் பாகத்தைத் தொடர்ந்து 2021-ம் ஆண்டு த்ரிஷ்யம் 2 திரைப்படம் வெளியாகி, அதுவும் ரசிகர்கள் மத்தியில் நல்ல வரவேற்பை பெற்றது. அண்மையில் த்ரிஷ்யம் திரைப்படம் ஆங்கில மொழியிலும் ரீமேக் செய்யப்படுவதாக அறிவிக்கப்பட்டது. த்ரிஷ்யம் 2 படத்தின் வெற்றிக்கு பிறகு ஜீத்து ஜோஷப் மற்றும் மோகன்லால் கூட்டணியில் ராம் திரைப்படம் உருவாக இருப்பதாக அறிவிக்கப்பட்டது. படத்தில் த்ரிஷா நாயகியாக இணைந்திருப்பதாகவும் அறிவிக்கப்பட்டது. ஆனால், அதன்பிறகு எந்த அப்டேட்டும் இல்லை
