தக் லைஃப் படப்பிடிப்பு தீவிரம்… பாடல் படப்பிடிப்பில் பங்கேற்ற த்ரிஷா….
உலக நாயகனாக கொண்டாடப்படும் நடிகர் கமல்ஹாசன். கிட்டத்தட்ட 200-க்கும் மேற்பட்ட திரைப்படங்களில் நடித்திருக்கும் கமல்ஹாசன், அடுத்தடுத்து பல படங்களில் கமிட்டாகி நடித்து வருகிறார். தமிழ் மட்டுமன்றி தெலுங்கு, இந்தி உள்படபல மொழிப் படங்களிலும் கமல்ஹாசன் நடிக்கிறார். நடிகர் கமல்ஹாசன் தற்போது ஷங்கர் இயக்கத்தில் ‘இந்தியன் 2’ படத்தில் நடித்து முடித்துள்ளார். தற்போது, மணிரத்னம் இயக்கத்தில் கமல் தக் லைஃப் படத்தில் நடிக்கிறார்.
இத்திரைப்படத்திற்கு ஏ.ஆர்.ரஹ்மான் இசை அமைக்கிறார். ‘நாயகன்’ படத்தை அடுத்து 35 வருடங்கள் கழித்து இந்தக் கூட்டணி மீண்டும் இணைந்துள்ளது. படத்தில் த்ரிஷா, சிம்பு, அசோக் செல்வன், , கௌதம் கார்த்திக், லட்சுமி மேனன் உள்பட பெரும் நட்சத்திர பட்டாளமே நடிக்கிறது. இப்படத்தை கமல்ஹாசனின் ராஜ்கமல் நிறுவனம் தயாரிக்கிறது. ஆக்சன் படமாக இத்திரைப்படம் உருவாகி வருகிறது.
இப்படத்தின் முதல் கட்ட படப்பிடிப்பு ஜெய்சல்மரில் தொடங்கி நிறைவு பெற்றது. அடுத்து டெல்லியில் படப்பிடிப்பு நடைபெறுகிறது. இந்நிலையில், இப்படத்தின் பாடல் காட்சி படப்பிடிப்பு தற்போது நடைபெற்று வருகிறது. இதில் நடிகை த்ரிஷா பங்கேற்றுள்ளார். மேலும் பாடலுக்காக அவர் பயிற்சி மேற்கொண்டதை புகைப்படம் மூலம் பகிர்ந்துள்ளார்.
