சர்வதேச விருது மேடையில் விடுதலை… படக்குழு உற்சாகம்…

தமிழ் சினிமாவில் முன்னணி இயக்குநர்களில் ஒருவர் வெற்றிமாறன். பொல்லாதவன், ஆடுகளம், விசாரணை, வட சென்னை, அசுரன், பாவக்கதைகள் என தொடர்ந்து வெற்றிப் படங்களை கொடுத்து, தமிழ் சினிமாவை மாறுபட்ட பாதையில் அழைத்துச் சென்றவர் வெற்றிமாறன். அவரது இயக்கத்தில் இந்த ஆண்டு வெளியான திரைப்படம் விடுதலை முதல் பாகம். நகைச்சுவை நடிகராக கலக்கிய சூரி, இப்படத்தின் மூலம் நடிகராக அறிமுகமானார். மேலும், விஜய் சேதுபதி, கௌதம் மேனன், பவானி ஸ்ரீ, சேத்தன், ராஜீவ் மேனன் உள்ளிட்டோர் முக்கிய கதாபாத்திரங்களில் நடித்திருந்தனர். படத்திற்கு இளையராஜா இசை அமைத்திருந்தார். ஆர் எஸ் இன்ஃபோடர்மன்ட் தயாரித்திருந்த இந்த படத்திற்கு வேல்ராஜ் ஒளிப்பதிவு செய்திருந்தார். இளையராஜா இசை அமைத்திருந்தார்.

#Viduthalai Part 1 & 2 has been selected for the Rotterdam Film Festival under the limelight category! 🌟 Grand Premiere at @IFFR a cinematic experience like no other! #ViduthalaiFilm #IFFR2023#ViduthalaiPart1 #ViduthalaiPart2

An @ilaiyaraaja Musical#VetriMaaran… pic.twitter.com/zw5OU8xN5q

— Actor Soori (@sooriofficial) December 26, 2023

முதல் பாகத்தின் மாபெரும் வெற்றிக்குப் பிறகு விடுதலை படத்தின் இரண்டாம் பாகத்தினை இயக்குனர் வெற்றிமாறன் இயக்கி வருகிறார். சமீபத்தில் படத்தின் படப்பிடிப்புகள் சிறுமலை பகுதியில் தொடங்கப்பட்டது. மேலும் விடுதலை 2 படத்தில் விஜய் சேதுபதிக்கு ஜோடியாக மஞ்சு வாரியர் நடித்து வருகிறார் என்று ஏற்கனவே அறிவிக்கப்பட்டிருந்தது. தற்போது சிறுமலை பகுதியில் சூரி, விஜய் சேதுபதி, மஞ்சுவாரியார் காட்சிகள் படமாக்கப்பட்டு வருகின்றன. எதிர்பார்க்கப்பட்டதை விட அதிக நாட்களில் படப்பிடிப்பு நடிபெற்று வருகிறது. இதனால், படத்தின் வெளியீடும் தாமதம் ஆகும் என்று கூறப்படுகிறது.

இந்நிலையில், விடுதலை படத்தின் இரண்டு பாகங்களும் ரோட்டர்டாம் சர்வதேச திரைப்பட விழாவின் லைம்லைட் பிரிவில் திரையிட தேர்வாகி உள்ளதாக படக்குழு சார்பில் அறிவிக்கப்பட்டு உளஅளது. ரோட்டர்டாம் சர்வதேச திரைப்பட விழா, வரும் ஜனவரி மாதம் 25-ம் தேதி தொடங்கி பிப்ரவரி 4-ம் தேதி வரை நடைபெற உள்ளது.