- Advertisement -
லியோ படத்தில் அதிநவீன கேமரா
விஜய் நடிக்கும் லியோ படத்தில் அதிநவீன கேரமாக்கள் பயன்படுத்தப்பட உள்ளன.
லோகேஷ் கனகராஜ் இயக்கத்தில் விஜய், த்ரிஷா ஆகியோர் நடித்து வரும் படம் லியோ. இப்படத்தில், கவுதம் வாசுதேவ் மேனன், அர்ஜுன், மிஷ்கின், சஞ்சய் தத், மன்சூர் அலிகான் உட்பட பலர் முக்கிய கதாபாத்திரங்களில் நடிக்கின்றனர். இப்படத்தின் படப்பிடிப்பு காஷ்மீரில் விறுவிறுப்பாக நடைபெற்று வருகிறது. இந்த படத்திற்கு மனோஜ் பரமஹம்சா ஒளிப்பதிவு செய்கிறார்.
இந்நிலையில், ஒளிப்பதிவாளர் மனோஜ், லியோ படத்தில் பயன்படுத்தும் அதிநவீன கேமரா குறித்து வீடியோ ஒன்றை வௌியிட்டுள்ளார். அதில், ‘ரெட்’ கேமராக்களின் பெரியப்பா வந்துவிட்டார். இந்த, வி ராப்டோர் எக்ஸ் எல் (V RAPTOR XL) என்ற அதிநவீன கேமரா ‘லியோ’ போரில் களமிறங்கத் தயாராக உள்ளது என குறிப்பிட்டுள்ளார்.
இதையடுத்து லியோ படத்தில் விஷுவல் ட்ரீட் காத்திருப்பதாக ரசிகர்கள் சமூக வலைதளத்தில் பதிவிட்டு வருகின்றனர்.