SK 23 படத்தின் டைட்டில் வெளியீடு குறித்த தகவல் வெளியாகியுள்ளது.
நடிகர் சிவகார்த்திகேயன் நடிப்பில் அமரன் எனும் திரைப்படம் கடந்த தீபாவளி தினத்தன்று வெளியாகி ரசிகர்கள் மத்தியில் பெரும் வரவேற்பை பெற்று வருகிறது. அதேசமயம் சிவகார்த்திகேயன் தனது அடுத்தடுத்த படங்களில் கமிட்டாகி வருகிறார்.
இதற்கிடையில் இவர் பிரபல இயக்குனர் ஏ ஆர் முருகதாஸ் இயக்கத்தில் தனது 23வது திரைப்படத்தில் நடிப்பதற்கு கமிட்டாகி இருந்தார். அதன்படி SK 23 என்று தற்காலிகமாக தலைப்பு வைக்கப்பட்டிருக்கும் இந்த படத்தினை ஸ்ரீ லட்சுமி மூவிஸ் நிறுவனம் தயாரிக்க அனிருத் இதற்கு இசையமைக்கிறார். இந்த படத்தின் படப்பிடிப்புகள் ஏற்கனவே தொடங்கப்பட்டு தூத்துக்குடி, சென்னை போன்ற பகுதிகளில் விறுவிறுப்பாக நடைபெற்று வருகின்றன. ஆக்சன் கலந்த கதைக்களத்தில் உருவாகும் இந்த படத்தில் சிவகார்த்திகேயனுடன் இணைந்து ருக்மினி வசந்த்,பிஜு மேனன், விக்ராந்த், விதியூத் ஜம்வால், டான்சிங் ரோஸ் சபீர் ஆகிய பலரும் முக்கிய கதாபாத்திரங்களில் நடித்து வருகின்றனர். மிகுந்த எதிர்பார்ப்புகளுடன் உருவாகும் இந்த படமானது அடுத்த ஆண்டு கோடை விடுமுறையில் வெளியாகும் என சொல்லப்படுகிறது. 
இந்நிலையில் இந்த படத்தின் ஃபர்ஸ்ட் லுக் மற்றும் டைட்டில் வெளியீடு குறித்த தகவல் வெளியாகியிருக்கிறது. அதாவது 2025 ஜனவரி 1ஆம் தேதி இந்த படத்தின் டைட்டில் மற்றும் பர்ஸ்ட் லுக் போஸ்டரை வெளியிட படக்குழு திட்டமிட்டு வருவதாக தெரியவந்துள்ளது. இனிவரும் நாட்களில் இது தொடர்பான அதிகாரப்பூர்வ அறிவிப்பு வெளியாகும் என நம்பப்படுகிறது. ஏற்கனவே இந்த படத்திற்கு சிங்க நடை என்று தலைப்பு வைக்க வாய்ப்புள்ளதாக சமூக வலைதளங்களில் செய்திகள் வெளியானது குறிப்பிடத்தக்கது.