நாடாளுமன்ற மக்களவைத் தேர்தல் ஏழு கட்டங்களாக நடைபெறும் என்று இந்திய தலைமைத் தேர்தல் ஆணையம் அறிவித்துள்ளது. அதன்படி, நாடு முழுவதும் 28 மாநிலங்கள், 8 யூனியன் பிரதேசங்களில் உள்ள 543 மக்களவைத் தொகுதிகளுக்கு தேர்தல் நடைபெறவுள்ளது.
மீண்டும் ரிலீஸ் ஆகும் பார்த்திபனின் காதல் காவியத் திரைப்படம் ‘அழகி’!
தமிழகம் மற்றும் புதுச்சேரி உட்பட 22 மாநிலங்கள் மற்றும் யூனியன் பிரதேசங்களில் ஒரே கட்டமாக வாக்குப்பதிவு நடைபெறுகிறது. உத்தரப்பிரதேசம், பீகார், மேற்கு வங்கம் ஆகிய மாநிலங்களில் 7 கட்டங்களாகத் தேர்தல் நடைபெறும். மகாராஷ்டிரா, ஜம்மு மற்றும் காஷ்மீரில் 5 கட்டங்களாக மக்களவைத் தேர்தல் நடைபெறுகிறது.
ஒடிஷா, மத்திய பிரதேசம் மற்றும் ஜார்க்கண்ட் ஆகிய மாநிலங்களில் 5 கட்டங்களாக மக்களவைத் தேர்தல் நடக்கிறது. சத்தீஸ்கர், அசாம் மாநிலத்தில் 3 கட்டங்களாக மக்களவைத் தேர்தல் நடைபெறுகிறது.
தமிழகத்தில் 39 மக்களவைத் தொகுதிகள் உள்பட102 மக்களவைத் தொகுதிகளில் வரும் ஏப்ரல் 19- ஆம் தேதி முதற்கட்ட வாக்குப்பதிவு நடைபெறவுள்ளது. 89 தொகுதிகளுக்கு வரும் ஏப்ரல் 26- ஆம் தேதி இரண்டாம் கட்ட வாக்குப்பதிவும், 94 தொகுதிகளுக்கு மே 07- ஆம் தேதி மூன்றாம் கட்ட வாக்குப்பதிவும், 96 தொகுதிகளுக்கு மே 13- ஆம் தேதி நான்காம் கட்ட வாக்குப்பதிவும், 49 தொகுதிகளுக்கு மே 20- ஆம் தேதி ஐந்தாம் கட்ட வாக்குப்பதிவும், 57 தொகுதிகளுக்கு மே 25- ஆம் தேதி ஆறாம் கட்ட வாக்குப்பதிவும், 57 தொகுதிகளுக்கு ஜூன் 01- ஆம் தேதி கடைசி கட்ட மற்றும் ஏழாம் கட்ட வாக்குப்பதிவும் நடைபெறும்.
யோகி பாபு, வேதிகா கூட்டணியில் உருவாகும் ‘கஜானா’….. டீசர் வெளியீடு!
நாடு முழுவதும் பதிவான வாக்குகள் வரும் ஜூன் 04- ஆம் தேதி அன்று எண்ணப்பட்டு அன்றே முடிவுகள் அறிவிக்கப்படும்.