கர்நாடகத்தில் தேர்தல் எப்போது? இன் று அறிவிப்பு

கர்நாடக சட்டசபை தேர்தல் தேதியை தேர்தல் ஆணையம் இன்று அறிவிக்க உள்ளது.

கர்நாடக சட்டசபை தேர்தல் அட்டவணையை இந்திய தேர்தல் ஆணையம் இன்று(29.03.2023) காலை 11.30 மணிக்கு புதுதில்லியில் உள்ள விக்யான் பவனில் உள்ள பொது அரங்கில் வெளியிட உள்ளது.

டெல்லியில் காலை 11.30 மணிக்கு தேர்தல் குழு செய்தியாளர்களை சந்திக்க உள்ளனர். வரவிருக்கும் தேர்தலுக்கு, காங்கிரஸ் 124 வேட்பாளர்களின் பெயர்களை மார்ச் 25 அன்று அறிவித்தது.

கர்நாடக முன்னாள் முதல்வர் சித்தராமையா வருணாவிலும், கர்நாடக காங்கிரஸ் தலைவர் டி.கே.சிவகுமார் கனகபுரா தொகுதியிலும் போட்டியிடுகின்றனர்.
கர்நாடகாவில் நடைபெற உள்ள சட்டப்பேரவைத் தேர்தலில் போட்டியிடும் 80 வேட்பாளர்கள் அடங்கிய முதல் பட்டியலை ஆம் ஆத்மி கட்சி மார்ச் 20ஆம் தேதி வெளியிட்டது.

மாநிலத்தில் உள்ள 224 சட்டமன்ற தொகுதிகளிலும், மே மாதத்திற்குள் சட்டமன்றத் தேர்தல் நடைபெறவுள்ள நிலையில், வேட்பாளர்களை நிறுத்தப்போவதாக அக்கட்சி கூறியுள்ளது.

கர்நாடகாவில் பெங்களூரு, மத்திய, கடலோர, ஹைதராபாத்-கர்நாடகா, மும்பை-கர்நாடகா மற்றும் தெற்கு கர்நாடகா ஆகிய ஆறு வெவ்வேறு பிராந்தியங்களில் 224 சட்டமன்றத் தொகுதிகள் உள்ளன.

மும்பை-கர்நாடகா மற்றும் தெற்கு கர்நாடகா மாநிலத்தின் மிகப்பெரிய பகுதிகள் மற்றும் முறையே 50 மற்றும் 51 சட்டமன்ற இடங்களைக் கொண்டுள்ளது.