”தூக்கத்தை மேம்படுத்த தினசரி செய்ய வேண்டிய 5 பயனுள்ள மாற்றங்கள்!”

ஆரோக்கியமான தூக்கத்தை பெற உதவும் சில எளிய குறிப்புகளை இங்கே காணலாம்.

இன்றைய டிஜிட்டல் யுகத்தில், நிம்மதியான தூக்கம் பலருக்கும் சவாலாக மாறியுள்ளது. இரவு நேரங்களில் தொலைக்காட்சியும், மொபைல் திரைகளும் மனதையும் உடலையும் சோர்வடையச் செய்து, தூக்கத்தைக் கலைத்துவிடுகின்றன. இதனால் உருவாகும் தூக்கக் குறைபாடு, எரிச்சல், மன அழுத்தம், கவனம் குறைவு போன்ற பிரச்சனைகளுக்குக் காரணமாகிறது. இதைத் தடுப்பதற்கு, தூக்க சுகாதாரத்தைச் சரியாக கடைப்பிடிப்பது அவசியமாகியுள்ளது. மன ஆரோக்கியத்தை மேம்படுத்தவும், உடல் நலத்தைப் பாதுகாக்கவும் உதவும் ஐந்து முக்கிய குறிப்புகள் நிபுணர்களால் பரிந்துரைக்கப்பட்டுள்ளன.

ஒழுங்கான நேரத்தில் தூங்கும் பழக்கத்தை அமைத்துக் கொள்ளுங்கள்
உடலின் உட்புற கடிகாரம் (Body Clock) சரியாக செயல்பட, தினமும் ஒரே நேரத்தில் படுக்கை செல்லும் பழக்கம் பெரிதும் உதவும். மாறும் அட்டவணைகள் மூளை சரியான தூக்க சமிக்ஞைகளைப் பெறத் தடைபடுத்தும் என நிபுணர்கள் எச்சரிக்கின்றனர்.

படுக்கை நேர வழக்கத்தை உருவாக்குங்கள்
தூங்குவதற்கு முன் புத்தகம் படித்தல், மெது இசை கேட்பது, தியானம், நீட்டிப்பு பயிற்சி, சூடான குளியல் போன்றவை உடலை நிம்மதிப்படுத்தும். இப்படியான சடங்குகள் தினமும் தொடர்ச்சியாக மேற்கொள்ளப்படும் போது, உடல் தூக்கத்திற்கு விரைவில் தயாராக உதவும்.

திரவ உட்கொள்ளலை கட்டுப்படுத்துங்கள்
பகலில் போதுமான தண்ணீர் குடிப்பது இரவில் நீரிழப்பு ஏற்படாமல் காக்கும். இதனால் நள்ளிரவில் தண்ணீர் குடிக்க எழுவது தவிர்க்கப்பட்டு, இடையறாத தூக்கம் கிடைக்கிறது.

தூங்கும் முன் மொபைல் பயன்பாட்டைத் தவிர்க்குங்கள்
படுக்கை நேரத்தில் மொபைல் போனைப் பயன்படுத்துவது தூக்கத்தை அதிகம் பாதிக்கும் காரணிகளில் ஒன்று. குறைந்தது ஒரு மணி நேரத்திற்கு முன்பே மொபைலை விலக்கி வைப்பது நல்ல தூக்கத்திற்குத் துணை புரியும்.

படுக்கையறையை வசதியாக வடிவமைத்துக் கொள்ளுங்கள்
சூடும் நிறங்களும், மெது விளக்குகளும், சுத்தமான அறையும், லேசான திரைகளும் அமைதியான சூழல் உருவாக்கி தூக்கத்தைத் தூண்டுகின்றன. வாசனை மெழுகுவர்த்தி அல்லது டேபிள் லைட் போன்றவை கூட தூக்கத்தை மேம்படுத்தும் என வல்லுநர்கள் கூறுகின்றனர்.

தகவல் தொழில்நுட்ப காலத்தில் தூக்கம் குறையுவது இயல்பு என்றாலும், இப்படியான எளிய பழக்கங்களைப் பின்பற்றுவதால் உடல்–மனம் இரண்டிற்கும் தேவையான நல்ல தூக்கத்தைப் பெறலாம் என நிபுணர்கள் தெரிவித்துள்ளனர்.

நிதிஷ்குமாருக்கு தலைவலி ஆரம்பம்! நடக்கப் போறதை சொல்றேன் கேளுங்க! பாலச்சந்திரன் க்ளியர் ரிப்போர்ட்!