தினமும் 5 பாதாம் சாப்பிடுவதால் கிடைக்கும் நன்மைகள் பற்றி பார்க்கலாம்.
தினமும் பாதாம் சாப்பிடுவதால் பலவிதமான நன்மைகள் கிடைக்கிறது. இதில் வைட்டமின்கள், மினரல்கள், நல்ல கொழுப்புகள், ஆன்ட்டி ஆக்சிடென்ட்கள் அடங்கியுள்ளது. பாதாமில் உள்ள நார்ச்சத்து, ரத்த ஓட்டத்தில் கொலஸ்ட்ரால் உறிஞ்சப்படுவதை தடுத்து இதயத்தின் ஆரோக்கியத்தை பாதுகாக்கிறது.
தினமும் பாதாம் சாப்பிடுவதால் ரத்த நாளங்களில் அடைப்பு ஏற்படுவது குறையும். இது இதய நோய் ஏற்படும் அபாயத்தை குறைக்கிறது. பாதாம் என்பது நல்ல கொழுப்புகளை அதிகரித்து இதயத்தை உறுதியாக வைத்திருக்க உதவுகிறது.
பாதாமில் உள்ள வைட்டமின் ஈ ஒரு இயற்கையான ஆன்ட்டி ஆக்ஸிடென்ட் ஆகும். இது ரத்த நாளங்களின் அழற்சியை குறைக்கும். இதில் உள்ள பொட்டாசியம், மெக்னீசியம் ரத்த அழுத்தத்தை கட்டுக்குள் வைத்திருக்கும்.
தினமும் ஐந்து பாதாம் சாப்பிடுவதால் வயிறு நிரம்பி இருப்பது போன்ற உணர்வு உண்டாகும். எனவே உடல் எடையை குறைக்க நினைப்பவர்கள் தினமும் பாதம் சாப்பிடுவது ஆரோக்கியத்தை தரும்.
பாதாமில் குறைந்த அளவிலான கிளைசெமிக் இன்டெக்ஸ் இருப்பதால் இது சர்க்கரை நோயாளிகளுக்கும் உகந்தது. எனவே பாதாமை இரவில் ஊற வைத்து காலையில் சாப்பிடுவது செரிமானத்திற்கு நல்லது. இல்லையென்றால் மாலை நேரத்தில் எடுத்துக் கொள்ளலாம். இது தவிர பாலுடன் சேர்த்து அரைத்து குடிக்கலாம்.
குறிப்பு:
பாதாமை ஒரு நாளைக்கு 5 முதல் 6 வரை சாப்பிடலாம். அதிகமாக எடுத்துக் கொள்ளக் கூடாது.
இது தொடர்பாக வேறு ஏதேனும் சந்தேகம் இருந்தால் மருத்துவரை அணுகி ஆலோசனை பெற்றுக் கொள்வது நல்லது.