சொடக்கு எடுத்தல் ஆபத்தா? அதன் பின்னால் உள்ள அறிவியல் மற்றும் பாதிப்புகள்!

சொடக்கு எடுத்தல் ஆபத்தா? அவசியம் தெரிந்து கொள்ள வேண்டிய தகவல்…

வேலைச் சோர்வின்போதோ அல்லது நீண்ட நேரம் ஒரே இடத்தில் அமர்ந்திருக்கும்போதோ, நம்மை அறியாமலேயே விரல்கள், கழுத்து, இடுப்பு போன்ற பகுதிகளை வளைத்து ‘சொடக்கு’ எடுக்கும் வழக்கம் நம்மில் பலருக்கும் உண்டு. இதனைத் தமிழில் ‘நெட்டி முறித்தல்’ அல்லது ‘உடல் முறித்தல்’ என்று குறிப்பிடுகிறோம். இந்தச் ‘சொடக்கு’ சத்தம் கேட்டவுடன், ஒருவித சோர்வு நீங்கி, புத்துணர்ச்சி கிடைத்தது போல பலரும் உணர்வதுண்டு.

ஆனால், “தொடர்ச்சியாக நெட்டி முறிப்பது ஆரோக்கியமான பழக்கமல்ல” என்கிறார் எலும்பு மருத்துவர்கள் குறிப்பிடுகின்றனர். நெட்டி முறிப்பதால் ஏற்படும் பாதிப்புகள் குறித்தும், அது ஏன் நடக்கிறது என்பது பற்றியும் இங்கே விளக்கப்பட்டுள்ளது.

‘சொடக்குச் சத்தம்’ ஏன் வருகிறது?

• நம் விரல் எலும்புகளின் இணைப்புகளுக்கு இடையே ‘சைனோவியல்’ (Synovial Fluid) எனப்படும் திரவம் சுரக்கிறது. இதுவே மூட்டு எலும்புகள் ஒன்றுடன் ஒன்று உரசாமல் இருப்பதற்கு ஒரு ‘எண்ணெய்’ போல செயல்படுகிறது.
• நீண்ட நேரம் அசையாமல் இருக்கும்போது, குறிப்பிட்ட பகுதியின் எலும்புகளுக்கிடையே இந்தத் திரவம் சற்றுக் கூட்டமாகச் சேர்ந்துவிடும்.
• நீங்கள் நெட்டி முறிக்கும்போது, எலும்பு இணைப்புகள் தற்காலிகமாக விரிவடைகின்றன. அப்போது, அதனுள் சேர்ந்திருக்கும் சைனோவியல் திரவம் வேகமாக நகரும்போது அல்லது வாயு குமிழ்கள் வெடிக்கும்போது ‘சொடக்குச் சத்தம்’ வெளிப்படுகிறது.
• தூக்கத்தின்போது உடல் அசைவு மிகக் குறைவாக இருப்பதால், தூங்கி எழுந்ததும் நெட்டி முறித்தால் இந்தச் சத்தம் சற்று அதிகமாக இருக்கும்.
• இந்தச் சத்தம்தான், பலரை மீண்டும் மீண்டும் நெட்டி முறிக்கத் தூண்டும் ஒரு காரணியாக உள்ளது.

 நெட்டி முறிப்பதால் ஏற்படும் பாதிப்புகள்:

• வயது முதிர்வு பாதிப்பு: 45 வயதுக்கு மேற்பட்டவர்கள் அடிக்கடி நெட்டி முறிக்கும் பழக்கத்தைத் தொடர்ந்தால், சில பாதிப்புகள் ஏற்படக்கூடும்.
• பிடி வலிமைக் குறைதல்: விரல்களில் தொடர்ந்து நெட்டி முறிக்கும்போது கையின் பிடி வலிமை (Grip Strength) குறைந்து போகலாம்.
• மூட்டு வீக்கம்: முழங்கால் பகுதியில் அதிக அளவில் நெட்டி முறிக்கும்போது வீக்கம் ஏற்பட வாய்ப்புள்ளது.
• தசைநார் பாதிப்பு: மூட்டுகளைச் சுற்றியுள்ள தசைநார்களில் (Ligaments) பாதிப்பு ஏற்படுவதற்கு வாய்ப்புகள் உள்ளன.

நெட்டி முறிக்கும் பழக்கத்திலிருந்து விடுபடுவது எப்படி?

நெட்டி முறிப்பது ஒரு பழக்கமாக மாறிவிட்டால், அதிலிருந்து விடுபட ஒரு எளிய வழி உள்ளது. குறிப்பிட்ட அந்தப் பகுதியை (உதாரணமாக, கைகளை) அடிக்கடி அழுத்தம் நிறைந்த வேலைகளுக்கு உட்படுத்த வேண்டியது அவசியம். இதன் மூலம், ஒரே இடத்தில் திரவம் சேர்வது தவிர்க்கப்பட்டு, நெட்டி முறிக்கும் தேவையைக் குறைக்கலாம்.

குறிப்பு: சோர்வு நீங்கவும், புத்துணர்ச்சி பெறவும், நெட்டி முறிப்பதை தவிர்த்துவிட்டு, சிறிய அளவிலான உடற்பயிற்சிகளைச் செய்வது அல்லது சிறிது நேரம் நடப்பது போன்ற ஆரோக்கியமான வழிகளைக் கடைப்பிடிக்கலாம்.

ஆண்களின் வயிறு பெரிதாவதற்கு உண்மையான காரணம் இதுதானா?