சென்னை எழும்பூரில் நடைபெற்ற செய்தியாளர் சந்திப்பில், தமிழக அரசின் அமைச்சரும் எழும்பூர் தொகுதி சட்டமன்ற உறுப்பினருமான ராஜ்மோகன் கலந்துகொண்டு பரந்தூர் விமான நிலையத் திட்டம் ரத்து செய்யப்பட்டது தொடர்பாக விரிவான விளக்கமளித்தார். 
அப்போது அவர் பரந்தூர் விமான நிலைய திட்டத்தை கைவிடும் முடிவு அவசரகதியில் எடுக்கப்பட்டது அல்ல மாநிலத்தின் தொலைநோக்கு வளர்ச்சி மற்றும் விவசாயிகளின் நலனைக் கருத்தில் கொண்டு எடுக்கப்பட்ட தீர்க்கமான முடிவு என்று தெரிவித்தார்.
செய்தியாளர் சந்திப்பில் அமைச்சர் ராஜ்மோகன் பேசிய முக்கிய அம்சங்கள்:
அவசர முடிவல்ல: பரந்தூர் விமான நிலையத் திட்டத்தை ரத்து செய்வது என்ற முடிவு திடீரென எடுக்கப்பட்டதல்ல. நிபுணர்களின் கருத்துக்கள், நீர்நிலைகள் மற்றும் விளைநிலங்களின் பாதுகாப்பு, உள்ளூர் மக்களின் தொடர் கோரிக்கைகள் ஆகியவற்றை விரிவாக ஆராய்ந்த பிறகே இந்த நடவடிக்கை எடுக்கப்பட்டுள்ளது.
விமான நிலையமும் வேண்டும், விவசாயம் வேண்டும்:
தமிழகத்தின் தொழில் மற்றும் பொருளாதார வளர்ச்சிக்கு புதிய விமான நிலையம் எவ்வளவு முக்கியமோ, அதே அளவிற்கு உணவு ஆதாரமான விவசாயமும் முக்கியம். ஒன்றிற்காக இன்னொன்றை இழக்க முடியாது என்பதே தமிழக வெற்றிக் கழக (த.வெ.க) அரசின் கொள்கை.
மாநில வளர்ச்சியும் விவசாயிகளும் முக்கியம்:
மாநிலத்தின் உள்கட்டமைப்பு வளர்ச்சி மிக அவசியம். அதே வேளையில், தங்களது நிலங்களை வாழ்வாதாரமாகக் கொண்டுள்ள விவசாயிகளின் நலனைப் பாதுகாப்பதில் த.வெ.க அரசு உறுதியாக உள்ளது.
மாற்றுத் திட்டங்கள்:
விவசாய நிலங்களுக்கும் நீர்நிலைகளுக்கும் பாதிப்பு இல்லாத வகையில் மாற்று இடத்தை தேர்வு செய்ய அரசு நடவடிக்கை எடுத்து வருகிறது. அதுவரை தற்போதைய சென்னை விமான நிலையத்தின் சேவையை மேலும் விரிவுபடுத்த திட்டமிடப்பட்டுள்ளது. மாநிலத்தின் வளர்ச்சி மற்றும் மக்களின் வாழ்வாதாரம் ஆகிய இரண்டையும் சமநிலையில் கொண்டு செல்வதே த.வெ.க அரசின் முதன்மை நோக்கம் என்றும் அமைச்சர் ராஜ்மோகன் சுட்டிக்காட்டினார்.
ஓணம் மற்றும் மிலாது நபி திருநாள்: தமிழக முதல்வர் விஜய் வாழ்த்து