எண்ணூர் அருகே கடலில் பதிக்கப்பட்ட குழாயில் அமோனியா கசிவு ஏற்பட்டதால் சுற்றுவட்டாரப் பகுதிகளில் காற்றில் வாயு பரவி 15- க்கும் மேற்பட்டோருக்கு மூச்சுத் திணறல் ஏற்பட்டது. இதனால் அப்பகுதி மக்கள் உடனடியாக வீட்டை விட்டு வெளியேறினர்.
காதலிக்க நேரமில்லை படத்தின் படப்பிடிப்பு நிறைவு
சென்னை எண்ணூரில் உள்ள கோரமண்டல் இன்டர்நேஷ்னல் லிமிடெட் என்னும் நிறுவனம், திருவொற்றியூர் தாலுகா எர்ணாவூர் கிராமத்தில் உர தொழிற்சாலை ஒன்றையும், கட்டிவாக்கம் கிராமத்தில் அமோனியா சேமிப்பு கிடங்கும் ஒன்றையும் இயக்கி வருகிறது.
இந்த ஆலைக்கு கடற்கரையில் இருந்து மூன்று கிலோ மீட்டர் தொலைவில் கப்பல்களில் இருந்து திரவ அமோனியா கடலுக்கு அடியில், பதியப்பட்ட குழாய் மூலமாகப் பெறப்பட்டு வருகிறது. இந்த குழாயில் ஏற்பட்ட கசிவு காற்றில் கலந்து சின்னக்குப்பம், பெரியக்குப்பம், நேதாஜி நகர், பர்மா நகர் ஆகிய பகுதிகளில் கடும் நெடியுடன் கூடிய கண் எரிச்சல் பாதிப்பை ஏற்படுத்தியிருந்தது.
இதனால் பொதுமக்கள் பல கிலோமீட்டர் தொலைவில் இருக்கக் கூடிய சமுதாய நலக்கூடம், தேவாலயங்களில் தஞ்சமடைந்துள்ளனர். 15- க்கும் மேற்பட்டோர் தனியார் மருத்துவமனையில் மூச்சுத்திணறல் காரணமாக, சிகிச்சைக்காக அனுமதிக்கப்பட்டுள்ளனர். காற்றில் அதிகளவு அமோனியா வாயு கலந்துள்ளதை உறுதிச் செய்த மாசுக்கட்டுப்பாட்டு வாரியம், போர்க்கால அடிப்படையில் வாயு கசிவை சரி செய்ய ஆலை நிர்வாகத்திற்கு உத்தரவிட்டுள்ளது.
அடே அப்பா… சிவகார்த்திகேயன் செயலை புகழ்ந்து தள்ளும் ரசிகர்கள்…
மேலும், உரிய ஆய்வுகளுக்கு பின் தங்கள் ஒப்புதல் பெறப்பட்ட பின்னரே ஆலையை இயக்க வேண்டும் என்றும் மாசுக்கட்டுப்பாட்டு வாரியம் உத்தரவிட்டுள்ளது.