தாராபுரம் இடைத்தேர்தல் பிரசாரத்தில் தவெக வேட்பாளர் சத்யபாமாவை உருவக்கேலி செய்ததாகக் கூறி, திமுக தலைவர் மு.க.ஸ்டாலினுக்கு எதிராக தமிழக வெற்றிக் கழகத்தின் வழக்கறிஞர் அணி தேர்தல் ஆணையத்தில் புகார் அளித்துள்ளது.
தாராபுரத்தில் திமுக வேட்பாளர் சுகன்யாவை ஆதரித்து நடைபெற்ற பிரசாரக் கூட்டத்தில் பேசிய ஸ்டாலின், சத்யபாமாவை “பெட்டி பாமா”, “பல்டி பாமா” என குறிப்பிட்டு விமர்சித்தார். மேலும், அவரது தோற்றத்தை குறிப்பிட்டு பல்டி அடிப்பது தொடர்பாகவும் அவர் பேசியதாக செய்திகள் தெரிவிக்கின்றன.
இந்த கருத்துகளுக்கு தவெக தரப்பில் எதிர்ப்பு தெரிவிக்கப்பட்டுள்ளது. சத்யபாமாவின் அரசியல் செயல்பாடுகளை விமர்சிப்பதற்கு பதிலாக அவரது உடல் தோற்றத்தை குறிப்பிட்டு பேசியதாகக் கூறி, இதனை உருவக்கேலி என தவெக தரப்பு குற்றம்சாட்டியுள்ளது.
இதுதொடர்பாக தேர்தல் ஆணையம், டிஜிபி, சென்னை காவல் ஆணையர், தாராபுரம் தேர்தல் நடத்தும் அலுவலர் உள்ளிட்ட அதிகாரிகளிடம் புகார் அளிக்கப்பட்டுள்ளதாக தெரிவிக்கப்பட்டுள்ளது. ஸ்டாலினுக்கு எதிராக சட்டரீதியான நடவடிக்கை எடுக்க வேண்டும் என்றும், தேர்தல் பிரசாரத்தில் இதுபோன்ற தனிப்பட்ட விமர்சனங்கள் இடம்பெறுவதைத் தடுக்க நடவடிக்கை எடுக்க வேண்டும் என்றும் தவெக தரப்பில் கோரிக்கை விடுக்கப்பட்டுள்ளது.
தாராபுரம் மற்றும் மதுராந்தகம் தொகுதிகளுக்கான இடைத்தேர்தல் அக்டோபர் 6-ம் தேதி நடைபெற உள்ள நிலையில், தேர்தல் பிரசாரத்தின் இறுதிக்கட்டத்தில் இந்த விவகாரம் அரசியல் களத்தில் விவாதத்தை ஏற்படுத்தியுள்ளது.
ஸ்டாலின் பேச்சுக்கு முதல்வர் விஜய் கடும் கண்டனம் – தாராபுரம் கூட்டத்தில் பரபரப்பு!