தமிழக வெற்றிக் கழக (தவெக) அரசுக்கு ஐந்து ஆண்டுகளும் முழுமையாக ஆதரவு அளிப்போம் என்பதை உறுதியாகச் சொல்ல முடியாது என்றும், அரசின் கொள்கை முடிவுகளின் அடிப்படையிலேயே ஆதரவு தீர்மானிக்கப்படும் என்றும் மார்க்சிஸ்ட் கம்யூனிஸ்ட் கட்சியின் (சிபிஎம்) மாநிலச் செயலாளர் சண்முகம் அதிரடியாகத் தெரிவித்துள்ளார்.
தவெக அரசிற்கான ஆதரவு மற்றும் நிலைப்பாடுகள் குறித்துச் செய்தியாளர்களைச் சந்தித்துப் பேசிய சண்முகம், கட்சியின் கொள்கை சார்ந்த அணுகுமுறையை வெளிப்படையாக விளக்கிப் பேசினார்.
கொள்கைகளின் அடிப்படையிலேயே ஆதரவு நிலைப்பாடு
செய்தியாளர்கள் சந்திப்பில் சிபிஎம் மாநிலச் செயலாளர் சண்முகம் கூறியதாவது, “தமிழக வெற்றிக் கழக அரசுக்கு முழுமையாக 5 ஆண்டுகள் ஆதரவு கொடுப்போம் என்பதை இப்போது உறுதியாகச் சொல்ல முடியாது. அந்த அரசின் பொருளாதாரக் கொள்கைகள், அரசியல் நகர்வுகள் மற்றும் உழைக்கும் தொழிலாளர்கள் சார்ந்த அவர்களின் அணுகுமுறை எந்த வகையில் இருக்கிறது என்பதன் அடிப்படையிலேயே எங்கள் கட்சியின் ஆதரவு அமையும்” என்று அவர் திட்டவட்டமாகத் தெரிவித்தார்.
அரசு கொண்டுவரும் திட்டங்கள், பொருளாதார முடிவுகள் மற்றும் தொழிலாளர் நலன் சார்ந்த செயல்பாடுகளைத் தொடர்ந்து கண்காணித்து, அதற்கு ஏற்பவே மார்க்சிஸ்ட் கம்யூனிஸ்ட் கட்சி தங்களின் ஆதரவு நிலையைத் தீர்மானிக்கும் என்பதை சண்முகத்தின் இந்த அறிவிப்பு தெளிவுபடுத்தியுள்ளது.
“தவெக கூட்டணியில் நாங்கள் இல்லை!” – அரசியல் தலைமை குழு உறுப்பினர் கே.பாலகிருஷ்ணன் திட்டவட்டம்!