மத்திய கிழக்கில் நிலவி வரும் போர் பதற்றம் காரணமாக பிரமதர் மோடி தலைமையில் பாதுகாப்புக்கான அமைச்சரவைக் குழு கூட்டம் இன்று காலை நடைபெறவிருக்கிறது.
பல்வேறு அமைச்சகங்கள் மற்றும் துறைகளால் மேற்கொள்ளப்பட்டுள்ள பாதுகாப்பு நடவடிக்கைகளை ஆய்வு செய்வதற்காக, பிரதமர் நரேந்திர மோடி இன்று காலை 11.30 மணிக்கு புது தில்லியில் பாதுகாப்புக்கான அமைச்சரவைக் குழு (CCS) கூட்டத்திற்குத் தலைமை தாங்குகிறார் என்று அதிகாரப்பூர்வ ஆதாரங்களை மேற்கோள் காட்டி ஏஎன்ஐ (ANI) செய்தி நிறுவனம் தெரிவித்துள்ளது.
மேலும், பிரதமர் இன்று பிற்பகல் பொருளாதார விவகாரங்களுக்கான அமைச்சரவைக் குழுவில் (CCEA) உரையாற்றவும், நாடாளுமன்றத்தில் நடைபெறும் தனி அமைச்சரவைக் கூட்டத்தில் கலந்து கொள்ளவும் வாய்ப்புள்ளதாகத் தெரிகிறது.
இந்தக் கூட்டத்தின் போது, மத்திய கிழக்கு நாடுகளின் நெருக்கடி நிலையைக் கருத்தில் கொண்டு, ஏற்றுமதியாளர்களுக்கான நிவாரணத் தொகுப்பு குறித்து அமைச்சரவை ஆலோசிக்க வாய்ப்புள்ளது.
எரிபொருள் பாதுகாப்பு, அத்தியாவசியப் பொருட்களின் இருப்பு மற்றும் விநியோகச் சங்கிலி நிலைத்தன்மை உள்ளிட்ட தேசியத் தயார்நிலை குறித்த தொடர் ஆய்வுகளுக்கு மத்தியில் இந்த CCS கூட்டம் நடைபெறுகிறது.
இதற்கு முன்னதாக, ஏப்ரல் 1-ஆம் தேதி அன்று பிரதமர் மோடி தலைமையில் ஒரு சிறப்பு CCS கூட்டம் நடைபெற்றது. அதில் மேற்கு ஆசியச் சூழல், எரிசக்தி விநியோகம், உரங்கள் கிடைப்பது மற்றும் ஒட்டுமொத்தப் பொருளாதார நிலைத்தன்மை குறித்து ஆலோசிக்கப்பட்டது. பெட்ரோலியப் பொருட்கள், மின்சாரம் மற்றும் விவசாயத்திற்கான இடுபொருட்கள் தடையின்றி கிடைப்பதை உறுதி செய்வதற்கான நடவடிக்கைகள் குறித்து அப்போது அதிகாரிகள் ஆய்வு செய்தனர்.
உணவு மற்றும் எரிபொருள் பாதுகாப்பு உள்ளிட்ட இந்தியாவின் பொருளாதாரத்தில் உலகளாவிய இடையூறுகள் ஏற்படுத்தக்கூடிய பாதிப்புகளை அரசு கூர்ந்து கவனித்து வருகிறது. கடந்த சில வாரங்களாகப் பல்வேறு நிலைகளில் இதற்கான அவசரகால முன்னெச்சரிக்கை நடவடிக்கைகள் குறித்து விவாதிக்கப்பட்டு வருகின்றன.
அமெரிக்க அதிபர் டிரம்ப்: “அமைதிக்கான அதிபர்” என சோஷியல்’ தளத்தில் பதிவு