நேபாள வெள்ளம்: ரூ.50 கோடி தங்கம், ரூ.1.5 கோடி பணத்தை மீட்ட காவல்துறை!

நேபாளத்தில் ஏற்பட்ட திடீர் வெள்ளப்பெருக்கில் பாதிக்கப்பட்ட ரசுவா மாவட்டத்தின் திரிசூலி துங்கே கிளையிலிருந்த ரூ.50 கோடி மதிப்பிலான தங்கம் மற்றும் ரூ.1.5 கோடி ரொக்கத்தை நேபாள காவல்துறை வெற்றிகரமாக மீட்டுள்ளது.

ரசுவா மாவட்டத்தின் திரிசூலி பகுதியில் கடந்த புதன்கிழமை திடீரென கடும் வெள்ளப்பெருக்கு ஏற்பட்டது. இதனால் அங்குள்ள விவசாய மேம்பாட்டு வங்கியின் திரிசூலி துங்கே கிளை கடுமையாக பாதிக்கப்பட்டது.

தகவலறிந்த நேபாள காவல்துறையினர், ஆபத்தான சூழ்நிலையையும் பொருட்படுத்தாமல் உடனடியாகக் களமிறங்கினர். சுமார் 8 மணி நேரம் போராடி, வங்கியின் லாக்கரில் இருந்த:

ஆகியவற்றை மீட்டு பாதுகாப்பான இடத்திற்கு மாற்றினர். இந்த சவாலான மீட்பு நடவடிக்கை தொடர்பான வீடியோவை நேபாள காவல்துறை தனது எக்ஸ் (X) தளத்தில் பகிர்ந்துள்ளது.

இதனிடையே, வெள்ளத்தால் பாதிக்கப்பட்ட ரசுவா பள்ளத்தாக்கிலிருந்து சுமார் 200 கி.மீ. தொலைவில் உள்ள சித்வான் வனப்பகுதியில் அடையாளம் தெரியாத நூற்றுக்கணக்கான சடலங்கள் மிதந்து வந்து அழுகத் தொடங்கின.

பொதுமக்களின் சுகாதாரத்தைப் பாதுகாக்கும் வகையில், வழக்கமாக நடைபயிற்சி மேற்கொள்ளப்படும் அந்த காட்டுப்பகுதியிலேயே அதிகாரிகளால் பல சடலங்கள் அவசரமாக அடக்கம் செய்யப்பட்டன.