அமெரிக்காவில் வசிக்கும் இந்துக்கள் பொது இடங்களில் விநாயகர் சதுர்த்தி விழாவைக் கொண்டாட வேண்டாம் என்றும், அவரவர் வீடுகளிலேயே பாதுகாப்புடன் கொண்டாடுமாறும் பல்வேறு இந்து அமைப்புகள் கேட்டுக்கொண்டுள்ளன.
அமெரிக்காவில் தற்போது சுமார் 55 லட்சம் இந்தியர்கள் வசித்து வருகின்றனர். குறிப்பாக கலிபோர்னியா, டெக்சாஸ், நியூஜெர்சி, நியூயார்க் மற்றும் புளோரிடா உள்ளிட்ட பல்வேறு மாகாணங்களில் இந்தியர்களுக்கு எதிரான இனவெறித் தாக்குதல்கள் மற்றும் வெறுப்புச் சம்பவங்கள் அதிகரித்து வருகின்றன.
வீடுகளிலேயே கொண்டாட வேண்டுகோள்:
பொதுவாக, ஒவ்வொரு ஆண்டும் விநாயகர் சதுர்த்தியின் போது அமெரிக்காவில் வசிக்கும் இந்துக்கள் பொது இடங்களில் ஒன்றுகூடி பிரம்மாண்டமான முறையில் விழாவைக் கொண்டாடுவதை வழக்கமாகக் கொண்டுள்ளனர்.
இருப்பினும், அமெரிக்காவில் நிலவி வரும் தற்போதைய பாதுகாப்புச் சூழலைக் கருத்தில் கொண்டு, பல்வேறு இந்து அமைப்புகள் சமூக வலைதளங்கள் வாயிலாக இந்தியர்களுக்கு முக்கிய அறிவுரைகளை வழங்கி வருகின்றன.
அந்த அமைப்புகள் வெளியிட்டுள்ள பதிவில் கூறியிருப்பதாவது:
அமெரிக்காவில் வசிக்கும் இந்துக்கள் அனைவரும் இந்த ஆண்டு விநாயகர் சதுர்த்தி விழாவை அவரவர் வீடுகளிலேயே பாதுகாப்பாகக் கொண்டாட வேண்டும்.
குடியிருப்புகள், காலனிகள், சாலைகள், தெருக்கள் மற்றும் பிற பொது இடங்களில் ஒன்றாகக் கூடி விழாவைக் கொண்டாடுவதைத் தவிர்க்க வேண்டும்.
சமீபகாலமாக அதிகரித்து வரும் இனவெறி சம்பவங்கள் மற்றும் இந்தியர்களின் பாதுகாப்பைக் கருத்தில் கொண்டே இந்த முன்னெச்சரிக்கை அறிவுறுத்தல் விடுக்கப்பட்டுள்ளதாகத் தெரிவிக்கப்பட்டுள்ளது.