தலைநகர் டெல்லியில் இந்தியத் தேர்தல் ஆணையத்தால் தொடங்கப்பட்டுள்ள வாக்காளர் பட்டியல் சிறப்புத் தீவிர திருத்தப் பணிகளின் ஒரு பகுதியாக, குடியரசுத் துணைத் தலைவர் சி.பி. ராதாகிருஷ்ணன் தனது SIR (Special Information Revision) விண்ணப்பத்தைப் பூர்த்தி செய்து தேர்தல் பணியாளர்களிடம் வழங்கியுள்ளார்.
டெல்லியில் கடந்த சில தினங்களுக்கு முன்பு இந்தியத் தேர்தல் ஆணையத்தின் சார்பில் வாக்காளர் பட்டியல் சிறப்புத் தீவிர திருத்தப் பணிகள் அதிகாரப்பூர்வமாகத் தொடங்கப்பட்டன. சுமார் ஒரு மாத காலம் நடைபெறவுள்ள இந்தத் தூய்மைப் பணிகள், வரும் ஜூலை 29-ஆம் தேதி வரை நீடிக்க உள்ளது. இதற்காக டெல்லி முழுவதும் உள்ள தேர்தல் பணியாளர்கள் வீடு வீடாகச் சென்று, பொதுமக்களிடம் ‘எஸ்.ஐ.ஆர்’ (SIR) விண்ணப்பங்களை விநியோகித்து, அவற்றை மீண்டும் பூர்த்தி செய்து பெற்றுச் சரிபார்க்கும் பணிகளில் தீவிரமாக ஈடுபட்டு வருகின்றனர்.
துணைத் தலைவர் மாளிகையில் சரிபார்ப்பு
இதன் தொடர்ச்சியாக, இன்று புதுடெல்லியில் உள்ள குடியரசுத் துணைத் தலைவர் மாளிகையில் எஸ்.ஐ.ஆர் விண்ணப்பச் சரிபார்ப்புப் பணிகள் நடைபெற்றன. அப்போது, நாட்டின் குடியரசுத் துணைத் தலைவர் சி.பி. ராதாகிருஷ்ணன், தேர்தல் பணியாளர்கள் முன்னிலையில் தனது விண்ணப்பப் படிவத்தைப் பூர்த்தி செய்து அவர்களிடம் முறைப்படி சமர்ப்பித்தார். குடியரசுத் துணைத் தலைவர் சி.பி. ராதாகிருஷ்ணன் தேர்தல் பணியாளர்களிடம் விண்ணப்பத்தை வழங்கும் இந்த நிகழ்வின் அதிகாரப்பூர்வப் புகைப்படங்களை, குடியரசுத் துணைத் தலைவர் மாளிகை தனது சமூக ஊடகப் பக்கத்தில் வெளியிட்டுள்ளது. பொதுமக்கள் அனைவரும் இந்தச் சிறப்புத் திருத்தப் பணிகளைப் பயன்படுத்தி, தங்களது வாக்காளர் பட்டியல் விவரங்களைச் சரிபார்த்துக் கொள்ள வேண்டும் என்பதை வலியுறுத்தும் வகையில் இந்த நிகழ்வு அமைந்துள்ளது.
மத்திய, மேற்கு மாநிலங்களில் கொட்டித் தீர்க்கும் கனமழை: 5 மாநிலங்களுக்கு ‘ரெட் அலர்ட்’ எச்சரிக்கை!